Kaalicyja «Biełaruski vybar» pačała kampaniju «Strachu niama». Pra heta było zajaŭlena 3 sakavika napres-kanfierencyi ŭ Minsku.
Namieśnik staršyni hramadskaha abjadnańnia «Ruch «Za Svabodu» Juryj Hubarevič paviedamiŭ, što śniežańskija padziei i sudy, jakija vynosiać udzielnikam akcyi pratestu 19 śniežnia ŭ Minsku pa
Pavodle jaho słoŭ, pieryjad libieralizacyi, jaki doŭžyŭsia ź siaredziny 2008 hoda i da vybaraŭ, raźniavolvaŭ hramadstva i davaŭ mahčymaść ludziam adčuć siabie svabodna. «Heta niasie pramuju pahrozu dla ŭłady, tamu my bačym ciapier adkat nazad, my bačym viartańnie represij. Hetyja represii skiravanyja nie tolki na ŭdzielnikaŭ akcyi 19 śniežnia i byłych kandydataŭ u prezidenty, hetyja represii skiravany suprać usiaho hramadstva», — padkreśliŭ Hubarevič.
Zychodziačy z hetaha, skazaŭ Hubarevič, inicyjatyva «Biełaruski vybar» pryniała rašeńnie zmahacca z nahniatańniem atmaśfiery strachu. Pavodle jaho mierkavańnia, heta pavinna vyjaŭlacca nie tolki ŭ akcyjach pa padtrymcy palitźniavolenych.
«Naša kampanija skiravana ŭ cełym na ŭsio hramadstva. My ličym, što treba zmahacca ŭ cełym z atmaśfieraj strachu, što jaje možna razburać», — zajaviŭ Hubarevič.
Jon adznačyŭ, što strach možna razburać roznymi sposabami: asabistym prykładam, daviadzieńniem situacyi da absurdu, humaram i satyraj, prajavami salidarnaści i inšymi. Usie mahčymyja sposaby, pavodle słoŭ Hubareviča, maje namier vykarystoŭvać kampanija «Strachu niama».
U kaalicyju «Biełaruski vybar» uvachodziać «Ruch «Za Svabodu», Biełaruskaja partyja «Zialonyja», arhkamitet pa stvareńni Partyi svabody i prahresu, Partyja BNF i sajuz «Za madernizacyju». Adnak, jak adznačyŭ Hubarevič, kampanija «Strachu niama» adkryta dla lubych prapanoŭ i idej pa razbureńni atmaśfiery strachu ŭ krainie jak ad arhanizacyj, tak i hramadzian Biełarusi.
