2 sakavika kaardynatarku arhkamiteta pa stvareńni partyi «BCHD» pa Mahiloŭskaj vobłaści Taisiju Kabančuk dapytvali ŭ babrujskim haradskim adździaleńni KDB 7 hadzin — z 10 da 17:00.
Paśla zakančeńnia dopytu kaardynatarka dała padpisku ab nievydavańni. U jakaści śviedki Taisiju Kabančuk dapytvali pra padziei na płoščy 19 śniežnia 2010 hoda, a taksama ab dziejnaści ad imia niezarehistravanaj arhanizacyi. Taksama šerah pytańniaŭ tyčyŭsia babrujskaha aktyvista BCHD Jaŭhiena Vaśkoviča, jaki z 17 studzienia znachodzicca pad aryštam i jakoha ŭ KDB nazvali «terarystam».
Dopyt pravodziŭ supracoŭnik KDB Mikita Mikałajevič Bielančanka. Jon sprabavaŭ vynieści joj papiaredžańnie za dziejnaść ad imia niezarehistravanaj arhanizacyi:
«Usia hetaja dyskusija zaniała bolš za pałovu času dopytu. Ja jamu dakazvała, što my dziejničali ŭ miežach arhkamiteta pa stvareńni partyi i nie parušali biełaruskaha zakanadaŭstva. A jon mnie skazaŭ, što my dziejničali mienavita jak palityčnaja partyja. U vyniku jon mnie papiaredžańnia tak i nie vynies», — raspaviała Taisija Kabančuk