Adpuščanym palitykam vyłazić bokam ichnaje maŭčańnie paśla vychadu z KDB.
Palityčnaja i ludskaja pamyłka Kastusiova ŭ tym, što nie nazyvaŭ adrazu padazronaha padazronym, a čornaha — čornym. Tolki praz try miesiacy jon zajaviŭ, što adzin z apazicyjnych kandydataŭ sprabavaŭ kupić jahonuju łajalnaść sotniaj tysiač dalaraŭ — u błohach navat užo nazyvajuć, katory.
Kali Kastusioŭ bačyŭ, što chtości karumpavaŭ apazicyju durnymi hrašyma, pra toje tre było havaryć adrazu, i hučna.Apieracyja ź finansami pad «Havary praŭdu» dla taho i mahła być zadumana, kab karumpavać apazicyju vialikimi hrašyma ź siaredziny, kab paśla zamazać adnym dziohciem i apazicyjnych Mandełaŭ, i ikranuju apazicyju.
I, kali tak, to apieracyja ŭdałasia, bo było zašmat maŭčańnia. A ciapier usie Kastusiova ŭpiknuć: čaho ž ty adrazu nie skazaŭ?
Apazicyjnaja salidarnaść ni pry čym da jaŭna padazronaha faktu, što adzin z apazicyjnych kandydataŭ varočaje vializnymi sumami.
Było palityčna pravilna adrazu paviedamić i pra fakt, što HB było ŭ kursie tych prapanovaŭ, jakija rabiŭ štab adnaho z kandydataŭ.Tajamnica śledstva, skažacie Vy?
Michalevič pakazaŭ — nijakaja nie tajamnica.
Niama tajamnicy śledstva ŭ tym, što KDB sačyŭ za apazicyjaj pierad 19 śniežnia. Niama tajamnicy śledstva ŭ zmušeńni kandydataŭ da napisańnia listoŭ
Dyj
davajcie nazyvać rečy svaimi imionami. Niama nijakaha «śledstva». Nichto ničoha nie rasśleduje. Pierad śpiecsłužbami staić zadača dakazać hramadstvu, što heta nie ŭłady pabili šyby Doma ŭrada. Stajać taksama zadačy pijaru i zastrašvańnia.Idzie metavaja kampanija dyskredytacyi apazicyi zvonku i łamańnia jaje lidaraŭ za ścienami. Kab zahadzia zabiaśpiečyć śpiektakl «pieraabrańnia» Alaksandra Łukašenki na piaty i šosty terminy. Kab nie tuzalisia navat u čas nastupnych libieralizacyj.
Nahadaju, što sam Kastusioŭ nazyvaŭ KHB złačynnaj arhanizacyjaj, jakaja pavinna być raspuščana, i nichto za jazyk jaho nie ciahnuŭ. A ciapier nahadaŭ piersanaža z usim viadomaha filma: «Mianie carycaj spakušali, a ja zastaŭsia vierny vam, Ullana Andrejeŭna». Zrešty, dobra ŭžo toje, što nie spakusiŭsia. Na fonie toj praŭdy, jakaja nam adkryvajecca, i heta ŭžo niamała.
