Viasnovy soniečny pramień ledź nie padpaliŭ kvateru ŭ Viciebsku.Pra niezvyčajnuju, ale navukova vytłumačalnuju pryčynu pažaru ŭ šmatpaviarchovym domie ŭ abłasnym centry raskazali ŭ Viciebskim haradskim adździele MNS.
Paviedamleńnie ab tym, što ŭ kvatery na dziasiatym paviersie viciebskaj novabudoŭli, vierahodna, adbyłosia ŭzharańnie, pastupiła na pult dziažurnaha MNS pozna ŭviečary. Prybyłyja pažarnyja ŭbačyli praktyčna zhareły na łožku pled, vyharały łožak, mocna abkurodymlenyja ścieny va ŭsioj kvatery, praŭda, adkrytaha ahniu nie było.
Pa słovach haspadyni, jana ranicaj pajšła na pracu i viarnułasia tolki ŭ dziesiać viečara, bolš u kvatery nikoha nie było.
Vyśviatlajučy pryčynu ŭzharańnia, śpiecyjalisty pierakanalisia, što ŭsie elektraprybory ŭ kvatery byli adklučanyja, elektrapravodka ŭ poŭnym paradku. Jany ŭžo hatovyja byli pavieryć u pałterhiejst, kali ich uvahu pryciahnuła nievialikaje lusterka, što stajała na stoliku la akna: z adnaho boku jano było zvyčajnym, a z druhoha vypukłym, jak linza. Adrazu ŭspomniŭsia i školny kurs fiziki, i viasiołaje dziacinstva, kali z dapamohaj soniečnaha promnia i pavieličalnaha škła kožny choć raz sprabavaŭ zdabyć ahoń.
Pažarnyja na nastupny dzień vyrašyli pravieści ekśpierymient i pierakanacca ŭ tym, što vypukłaje lusterka i adbity ad jaho pramień sapraŭdy stali pryčynaj pažaru.Jak vyjaviłasia, na toje, kab takim sposabam padpalić pled, nieabchodna ŭsiaho piać siekund. Ahoń nie razhareŭsia tolki tamu, što ŭ kvatery byli začynienyja ŭsie fortki, i nie było dostupu kisłarodu.
Pa słovach pažarnikaŭ, takich pryčyn pažaru ŭ kvaterach jany zhadać nie mohuć, a voś u lasach, kali soniečny pramień, adbity praz butelečny askiepak, rabiŭsia pryčynaj pažaru, byvaje niamała.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary