Zvolnienaja z pracy nastaŭnica historyi Talkaŭskaj siaredniaj škoły rychtuje kasacyjnuju skarhu.
Zvolnienaja z pracy nastaŭnica historyi Talkaŭskaj siaredniaj škoły Natalla Iljinič rychtuje kasacyjnuju skarhu ŭ Minski abłasny sud na rašeńnie Puchavickaha rajonnaha suda, jaki admoviŭ u patrabavańni adnavić jaje na pracy.
Rašeńnie suda sudździa Śviatłana Akulič ahučyła 10 sakavika. Niahledziačy na dovady Natalli Iljinič i śviedčańni jaje kaleh, byłych vypusknikoŭ, baćkoŭ vučniaŭ, jakija charaktaryzavali Natallu Valancinaŭnu jak vysokaha prafiesijanała, sudździa Akulič vyrašyła, što ŭ dyrektara Talkaŭskaj škoły Natalli Mierkul byli zakonnyja padstavy nie praciahvać ź Iljinič pracoŭny kantrakt. U matyvirovačnaj častcy sudovaha rašeńnia, jakoje Iljinič atrymała pa pošcie 19 sakavika, było patłumačana, čym kiravaŭsia sud.
— Navat nie viedaju, jak acharaktaryzavać takoje rašeńnie, bo jano adnačasova i dziŭnaje, i supiarečlivaje, — kaža Natalla Iljinič. — Sud ukazaŭ, što maje dovady ab tym, što mianie zvolnili pa palityčnych pierakanańniach z-za majoj aktyŭnaj hramadzianskaj pazicyi, biespadstaŭnyja. I jak dokaz pryvioŭ toje, što ja pradjaviła sudu šmat hramat, padziak, dypłomaŭ. Jak napisana ŭ matyvirovačnaj častcy, heta “śvidietielstvujet o tom, čto so storony administracii škoły i otdieła rajonnoho obrazovanija Puchovičskoho rajispołkoma objektivno otnosiliś k rabotie”. Ale kali sud prymaŭ rašeńnie, što dyrektar mieła prava zvolnić mianie z pracy, to čamuści na hetyja dypłomy, hramaty i padziaki ŭvahi ŭžo nie źviarnuŭ. I pa rašeńni suda atrymlivajecca, što z-za pamyłki ŭ školnym žurnale i niesvoječasovuju pravierku dziońnikaŭ nastaŭnika možna lohka zvolnić. Ale ž i dyrektar robić takija pamyłki!
Natalla Iljinič kaža, što namier abskardzić rašeńnie Puchavickaha rajonnaha suda byŭ u jaje adrazu, jak tolki sud nie zadavoliŭ jaje iskavaje patrabavańnie adnavić jaje na pracy.
Zaraz, kali jana atrymała matyvirovačnuju častku sudovaha rašeńnia, žadańnie tolki ŭzmacniłasia.
— Kasacyjnuju skarhu padrychtujem u samyja bližejšyja dni, — kaža Natalla Iljinič.
Jak viadoma, pracoŭny kantrakt z Natallaj Iljinič dyrektar Talkaŭskaj siaredniaj škoły Natalla Mierkul nie pradoŭžyła adrazu paśla taho, jak u chacie Iljinič adbyŭsia vobysk paśla padziej 19 śniežnia.
Na minułych prezidenckich vybarach Natalla Iljinič źbirała podpisy za kandydata ad Partyi BNF. U 2009 hodzie, kali ŭsia vioska Talka pratestavała suprać abjadnańnia Talkaŭskaha i Błužskaha sielskich Savietaŭ, Natalla Iljinič pastaviła svoj podpis pad zvarotami ŭ abłasny i rajonny Saviety. U studzieni 2010 hoda Natalla Iljinič adstajała svajo prava zastavacca siabram Partyi BNF, kali joj načalnik Minskaha abłasnoha ŭpraŭleńnia adukacyi Taisa Danilevič ultymatyŭna prapanavała: albo praca ŭ škole, albo siabroŭstva ŭ apazicyjnaj partyi. Mienavita paśla hetaha incydentu ŭ kabiniecie Danilevič, ličyć Natalla Iljinič, i pačaŭsia cisk na jaje.
Kamientary