Z adpaviednaj zajavaj vystupiŭ šerah polskich nacyjanalistyčnych arhanizacyj.
Z adpaviednaj zajavaj vystupiŭ šerah polskich nacyjanalistyčnych arhanizacyj. Dla ich «Biełsat» — kostka ŭ horle, bo pracuje na ŭmacavańnie nacyjanalnaj śviadomaści biełarusaŭ. A jany chacieli b umacavańnia polskaści na kresach.
«Ci źjaŭlajecca metaj telekanała «Biełsat» demakratyzacyja Biełarusi, stvareńnie hramadzianskaj supolnaści ŭ biełaruskaj dziaržavie, aznajamleńnie hramadzian Biełarusi z demakratyčnymi kaštoŭnaściami?»— z takoha pytańnia pačynajecca zvarot pradstaŭnikoŭ cełaha šerahu polskich hramadskich arhanizacyj da kiraŭnika Krajovaj rady radyjo i telebačańnia Jana Dvoraka.
Padpisanty lista abvinavačvajuć «Biełsat» u tym, što jon adnabakova pakazvaje historyju i kulturu Biełarusi, dyskryminujučy polskuju nacyjanalnuju mienšaść. U jakaści prykłada pryvodzicca ekranizacyja «Tutejšych» Janki Kupały.
«Kupała — tvorca kultu Stalina», — hrymiać aŭtary lista. Jaho aŭtary taksama padkreślivajuć, što polskaje vojska fihuruje ŭ «Tutejšych» vyklučna ŭ jakaści akupantaŭ, a polskija ziemleŭłaśniki pakazanyja jak ahidnyja «pany».«Za hrošy polskich padatkapłatnikaŭ i na kanale polskaha hramadskaha telebačańnia, jaki hładziać taksama hramadzianie Biełarusi palaki, demanstrujecca ekranizacyja savieckaha, stalinskaha piśmieńnika, jaki ahituje za dałučeńnie Biełastoka da SSSR, aŭtara viadomaha vierša, napisanaha ŭ honar Čyrvonaj Armii, jakaja ŭvajšła na terytoryju Polščy 17 vieraśnia 1939 hodu», — aburajucca aŭtary zvarotu.
Na ich dumku, ideja demakratyi praduhledžvaje pluralizm i raznastajnaść dumak, a «Biełsat» demanstruje tolki adzin «nacyjanalistyčny» pohlad na historyju i kulturu Biełarusi, aminajučy polskuju spadčynu krainy. Usie pieradačy — pa-biełarusku, a pa-polsku ničoha niama.
List u Krajovuju radu telebačańnia i radyjo padpisała bolš za dva dziesiatki dziejačoŭ. Siarod ich pieravažna pradstaŭniki ultrakansiervatyŭnych kołaŭ — kiraŭniki zhurtavańniaŭ katalickaj intelihiencyi, arhanizacyj, jakija zajmajucca pytańniami polskaj spadčyny va Ukrainie i Biełarusi, aŭtary knih i navukovych prac pa historyi uschodnich terytoryj mižvajennaj Polščy.
Akramia Krajovaj rady radyjo i telebačańnia, zajava z krytykaj «Biełsata» nakiravanaja ŭ šerah ustanovaŭ. Siarod ich Ministerstva zamiežnych spraŭ, Ministerstva kultury, a taksama šerah kamisij Sojma i Sienata.
Koły, ź jakich vyjšła zajava, nie majuć u Polščy vialikaha ŭpłyvu.
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Kamientary