Siarod ich - staršynia Jeŭraparłamienta Ježy Buzek, deputat Jacek Pratasievič i šerah inšych palitykaŭ, parłamientaryjaŭ, žurnalistaŭ.
Biełaruś padrychtavała i ŭžo realizuje zachady ŭ adkaz na rašeńnie Jeŭrasajuza pra sankcyi ŭ dačynieńni da biełaruskich čynoŭnikaŭ.
Zachady ŭ adkaz mohuć zakranuć bolš za 150 asobaŭ ź ES i ZŠA, zajaviła Interfaksu krynica va ŭradavych kołach.
"Zvarotnyja zachady zakranuć bolš jak 150 asobaŭ z krainaŭ Jeŭrasajuza i ZŠA,
siarod jakich staršynia Jeŭraparłamienta Ježy Buzek, deputat JEP Jacek Pratasievič i šerah inšych palitykaŭ, parłamientaryjaŭ, žurnalistaŭ,
jakija prasłavilisia najbolš adyjoznymi inicyjatyvami ŭ dačynieńni da Biełarusi", — adznačyŭ surazmoŭca ahienctva.
Surazmoŭca taksama adznačyŭ, što "adnymi vizavymi sankcyjami Biełaruś nie maje namieru abmiažoŭvacca
i raspracavała taksama šerah inšych zachadaŭ u adkaz".
"Nie vyklučana, što jany zakranuć pytańni transpamiežnaha supracoŭnictva, dziejnaści na terytoryi Biełarusi asobnych zamiežnych fondaŭ i niaŭradavych arhanizacyj", — skazała krynica ahienctva.
Pry hetym, dadada jana, "pryniatyja miery buduć nasić bolš praparcyjny i dyfierencyjavany, a nie lustrany charaktar u adnosinach da sankcyjaŭ ES i ZŠA".
MZC Biełarusi nie paćviardžaje, ale i nie abviarhaje hetuju infarmacyju.
31 studzienia Rada ministraŭ zamiežnych spraŭ Jeŭrapiejskaha Sajuza zabaraniła ŭjezd na svaju terytoryju 158 biełaruskim čynoŭnikam na čale z kiraŭnikom Biełarusi Alaksandram Łukašenkam. Sankcyi stali adkazam na represii biełaruskich uładaŭ suprać apazicyi paśla prezidenckich vybaraŭ 19 śniežnia 2010 hoda.
Kamientary