A taksama limit zarobkaŭ.
U chakiejnym čempijanacie Biełarusi ŭviedzieny ŭzrostavy limit na hulcoŭ: 28 hadoŭ + 7 hulcoŭ starejšyja za hety viek, paviedamlaje twitter tut.by.
Takoje rašeńnie było pryniata na vykankamie asacyjacyi "Fiederacyja chakieja Biełarusi".
Raniej prapanoŭvałasia abmiežavać uzrost 25 hadami, ale takaja prapanova sustreła mocny supraciŭ častki kiraŭnikoŭ kłubaŭ i trenieraŭ kłubaŭ biełaruskaj ekstralihi.
Taksama ŭstalavany novy zarobkavy limit -- 75 tys. dalaraŭ na kamandu ŭ miesiac.
***
Nahadajem, što na minułym tydni byŭ raspaŭsiudžany zvarot biełaruskich chakieistaŭ, skiravany ŭ Fiederacyju chakieja, Minsportu i turyzmu i Administracyi prezidenta suprać uviadzieńnia ŭzrostavaha limitu 25 hadoŭ.
«Mnohija maładyja hulcy, kamu siońnia 24, 23, 22 i tym bolš mienš, zadumajucca, ci praciahvać sumnieŭnuju chakiejnuju kar`ieru ci, pakul nie zhubleny čas i zdaroŭje, nabyvać inšuju prafiesiju, — kazałasia ŭ liście. — Mała chto z baćkoŭ addaść svajho syna ŭ chakiejnuju škołu, viedajučy, što ŭ 25 hadoŭ prafiesijnaja kar`iera, chutčej za ŭsio, zakončycca i dzicia papoŭnić armiju biespracoŭnych, pryčym u 25 hadoŭ nie majučy ni śpiecyjalnaj adukacyi, ni prafiesii», kazałasia ŭ adkrytym zvarocie.
Aŭtary lista taksama nahadvali pra art. 41 Kanstytucyi, jaki harantuje prava na pracu, i pra art. 14 Pracoŭnaha kodeksa, jaki zabaraniaje dyskryminacyju ŭ śfiery pracoŭnych adnosinaŭ, u tym liku pa ŭzrostavaj prykmiecie.
Kamientary