Ułady Biełarusi adpravili ministra finansaŭ Andreja Charkaŭca i pieršaha namieśnika staršyni Nacbanku Juryja Ałymava ŭ Maskvu dla pačatku składanaha pieramoŭnaha pracesu ź ministraŭ finansaŭ RF Alaksiejeŭ Kudrynym ab vydzialeńni kredytaŭ na sumu ŭ 3 młrd. dalaraŭ dla padtrymki biełaruskaj ekanomiki.
Jak paviedamlaje Interfax.by sa spasyłkaj na krynicu va ŭradavych kołach, biełaruskaja delehacyja vylataje ŭ Maskvu ŭžo siońnia.
Pa słovach surazmoŭcy, biełaruski bok, u adpaviednaści z umovami kiraŭnictva ŭrada RF, padrychtavaŭ prahramu dziejańniaŭ pa stabilizacyi apłatnaha bałansu, jakaja adroźnivajecca ad prahramy MVF
Varta adznačyć, što padrychtavaŭšy vielmi rynkavuju prahramu dziejańniaŭ u ramkach supracoŭnictva z MVF, biełaruskija ŭłady, atrymaŭšy ŭ poŭnym abjomie kredyty fondu, pa vyniku nie vykanali ceły šerah praduhledžanych dakumientam patrabavańniaŭ mienavita ŭ častcy skaračeńnia finansavańnia dziaržprahram, pryvatyzacyi, ŭzmacnieńnia žorstkaści fiskalnaj palityki (źnižeńnie abarotaŭ drukavanaha stanka).
Nacbank i Minfin aficyjna nie kamientujuć lubyja składniki prahramy pieramoŭnaha pracesu da jaho zaviaršeńnia, uklučajučy najaŭnaść niejkich papiarednich umovaŭ, vykanańnie jakich dazvolić biełaruskim uładam pierakanaŭča prademanstravać hatoŭnaść praviadzieńnia rynkavych reformaŭ.
Samo zaviaršeńnie pieramoŭnaha pracesu, jak śćviardžaje kiraŭnik Nacbanka P. Prakapovič, pavinna adbycca nie paźniej červienia biahučaha hoda. Razam z tym, biełaruskija
čynoŭniki admaŭlajucca abmiarkoŭvać temu, što čakaje krainu, kali da hetaha momantu pieramovy nie zavieršacca abo skončacca pravałam.
Kamientary