Siarod budučych telezorak – dačka Zianona Paźniaka
Zakončyŭsia druhi tur škaleńnia reparteraŭ «TV Biełaruś».
11 śniežnia ŭ Varšavie skončyŭsia druhi tur kursaŭ dla žurnalistaŭ budučaha niezaležnaha telebačańnia «TV Biełaruś».
Dva tydni zdolnyja maładyja ludzi ź Biełarusi rabili naviny i repartažy, zajmalisia zdymkami, mantažom i ahučvańniem materyjałaŭ. Nastaŭnikami byli polskija žurnalisty ź infarmacyjnaha telekanału «TVN 24», aperatary j mantažysty.
Budučyja televizijniki adpracavali dva tydni pa 14 hadzinaŭ u sutki ŭ časta niespryjalnych umovach – nichto ź biełaruskich stažoraŭ dobra nia viedaŭ Varšavy, nichto specyjalna nie vučyŭ pierad tym polskuju movu, a polski bok čaściakom specyjalna nie dapamahaŭ ź pierakładam.
Udzielnikaŭ uraziŭ uzrovień škaleńniaŭ – interviju biełaruskim žurnalistam davaŭ namieśnik ministra kultury Polščy.
Hałoŭny pryncyp televizijnaha adboru – vyžyvaje macniejšy, nia ŭsie dojduć da finału. U lutym praciah kursaŭ. Kolkaść udzielnikaŭ u ich źmienšycca. Ź cikavostak možna adznačyć toje, što siarod supracoŭnikaŭ budučaj televizii značycca pryjomnaja dačka Zianona Paźniaka – Nadzieja. Jana choča stać dyktarkaj.
Kaardynuje prajekt znanaja polskaja teležurnalistka Ahnieška Ramašeŭskaja-Huzi. Jana pachodzić ź siamji aktyvista "Salidarnaści", jakuju žorstka mučyli polskija kamunistyčnyja ŭłady. Jaje taksama viedajuć jak dobruju arhanizatarku j menedžerku. Hrošy na telebačańnie vydzieliŭ polski ŭrad.
Historyk ź Biełastoku Aleh Łatyšonak miarkuje, što stvareńnie niezaležnaha, praŭdziva biełaruskaha telebačańnia budzie vialikim dasiahnieńniem nacyjanalnaha ruchu.
Varta adznačyć, što dahetul niama jasnaści, jakim čynam televizija zmoža atrymlivać videamateryjały ź Biełarusi ŭ vypadku, kali biełaruskaja administracyja budzie tamu pieraškadžać.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary