Dzie i jak sustreć Novy hod

Nia los dla ekstremałaŭ

Zimovyja śviaty praz dva tydni, a ni śniehu, ni marozu jašče niama. I nie čakajecca, zhodna z prahnozami synoptykaŭ, amal da kanca śniežnia. Tamu amataram łyžaŭ i sanak niama mažlivaści paviesialicca na volnym pavietry. Tych, chto maje hrošykna eŭrapejskija harnałyžnyja kurorty, taksama čakajuć niajasnyja perspektyvy nakont pieradnavahodnich dziańkoŭ. Tamtejšyja łyžnyja trasy dahetul nie schavanyja pad śnieham i nieviadoma, ci zapracujuć jany da Kaladaŭ.

Zimovyja śviaty dla dzietak

Sajt Našy dzietki zaprašaje razam u kaviarni "Žar-ptuška", što ŭ Centralnym dziciačym parku adśviatkavać Kalady. Dziciačaje śviata adbudziecca 26 śniežnia (aŭtorak), pačatak a 11-j. U prahramu ŭvachodzić śviatočnaja pastanoŭka dla dzietak u vykanańni aktoraŭ CIUHu, konkursy, dziciačaja dyskateka.

Udzielniki prajektu rychtujuć da Novaha hodu jašče nie adzin siurpryz: biełaruskamoŭnyja Dzied Maroz i Śniahurka (a chto pažadaje – Śviaty Mikałaj) jakich možna budzie zaprasić u siamju praź internet, zajšoŭšy na sajt Našyja Dzietki. Tut ža možna budzie zaprasić i kaladoŭščykaŭ. Planujucca zimovyja śviatkavańni ŭ inšych haradoch. Na sajcie bahata inšaj infarmacyi, pryśviečanaj zimovym śviatam – scenary navahodnich dziciačych imprezaŭ (abvieščany taksama adpaviedny konkurs na najlepšy scenar), teksty kaladak, zimovyja vieršy.

Aficyjny Dzied Maroz

Biełaruski Dzied Maroz ciapier prymaje nia tolki ŭ Biełaviežskaj rezydencyi, ale i ŭ Miensku. U stalicy jon raspačnie sustrečy z baćkami i dziećmi 21 śniežnia. Dla hadavancaŭ dziciačych damoŭ naviedvańnie rezydencyi dobraha Dziaduli biaspłatnaje. Navahodnija sustrečy ź Dziedam Marozam praciahnucca da 31 śniežnia.

Darečy, Rezydencyja biełaruskaha Dzieda Maroza ŭ Biełavieskaj puščy dziejničaje kruhły hod biez vychodnych. Pracuje adnačasova z Muzejem pryrody parku – ad 9-j pa 18-ju. Košt dziciačaha i darosłaha kvitka składaje 6,5 i 15 tysiačaŭ rubloŭ adpaviedna. Naviedvańnie rezydencyi možna sumiaścić z ekskursijaj niepasredna pa Nacyjanalnym parku. Prymajucca hrupy kolkaściu nia mienš za 10 čałaviek.

Kaladnyja kancerty

22 śniežnia (piatnica) ŭ Miensku adbudziecca kaladny kancert hurtu «Bieź bileta», a 25-ha (paniadziełak) z tradycyjnaj užo siaredniaviečnaj dyskatekaj vystupić «Stary Olsa». Padrabiaznaja infarmacyja na Tuzinie Hitoŭ – .

Dzie možna nabyć lasnuju pryhažuniu

U pieradśviatočnyja dziańki jełačnyja kirmašy buduć pracavać pa ŭsim Miensku. U Zavodzkim rajonie – pa adrasie pr.Partyzanski, 99; Kastryčnickim – vuł.Łandera,4; vuł. Kazinca, 6a; Leninskim – pr. Rakasoŭskaha, 2; Maskoŭskim – pr. hazety «Źviazda», 40, Partyzanskim – bulvar Traktarabudaŭnikoŭ; Pieršamajskim – vuł.Šuhajeva, 3/1; Frunzenskim – vuł.Prytyckaha, 42 i Kalvaryjskaja, 24; Centralnym – vuł.Niamiha, 8.

Miž inšym, nastupajučy 2007-y hod pavodle ŭschodniaha kalendara budzie hodam Čyrvonaj Vohniennaj Śvińni. Zhodna padańnia, Śvińnia apošniaj pryjšła na śviatkavańnie Novaha hodu, tamu jana j zamykaje 12-hadovy cykl uschodniaha kalendaru. Aproč taho, nielha stavić na stoł stravy sa śvininy.

• 0
• 0
• 0
• 0
• 0
• 0
• 0
• 0