A.Kazulin: «Heta tak cudoŭna adčuvać, jak žyćcio viartajecca ŭ cieła»
Palityk u telefonnaj razmovie z žonkaj Irynaj paćvierdziŭ, što spyniŭ haładoŭku.
Alaksandar Kazulin ŭ telefonnaj razmovie z žonkaj Irynaj paćvierdziŭ, što spyniŭ haładoŭku. «Jon užyvaje aŭsiany kisiel i soki. U jaho badziory hołas i jon kaža, što adčuvaje siabie narmalna. Jašče jon skazaŭ: «Heta tak cudoŭna adčuvać, jak ŭ tvajo cieła viartajecca žyćcio», – paviedamiła «Svabodzie» Iryna Kazulina.
Pavodle jaje, Alaksandar Kazulin nia choča, kab jaho pakłali ŭ špital i na niedachop medyčnaj dapamohi jon nie skardzicca. Iryna Kazulina vykazała pierakananaść, što jejny muž sam zdoleje vyjści z haładoŭki.
Na pytańnie, jak Alaksandar Kazulin kamentuje vykanańnie jahonych patrabavańniaŭ, žonka palityka adkazała: «Nam dali parazmaŭlać usiaho try chviliny pry ŭmovie, što nia budziem havaryć pra palityku. Vidać, jon paabiacaŭ i strymaŭ svajo słova».
Nahadajem, eks-kandydat na prezydenta Alaksandar Kazulin ciaham 53 dzion pravodziŭ palityčnuju haładoŭku. Jon pratestavaŭ suprać ŭłady Alaksandar Łukašenki j damahaŭsia razhladu biełaruskaha pytańnia ŭ Radzie Biaśpieki AAN. Pavodle źviestak ministerstva ŭnutranych spraŭ vychad z haładoŭki Alaksandar Kazulin pačaŭ 11 śniežnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary