Zaklikajem hramadzianaŭ Biełarusi nabyvać biełaruskamoŭnyja paštoŭki i kanvierty, vinšavać svaich siabroŭ i blizkich z hetymi śviatami pa-biełarusku. Heta budzie jaskravym dokazam lubovi i pavahi da rodnaha biełaruskaha słova.
Sioleta ŭ śniežni hetaha hoda spaŭniajecca 15 hadoŭ, jak naša kraina paśla padziej u Viskulach znoŭ nabyła svaju niezaležnaść.
U pieršyja hady niezaležnaści pryniata Kanstytucyja Biełarusi, u jakoj adzinaj dziaržaŭnaj movaj była biełaruskaja. Biełaruskaja mova pašyrałasia va ŭsich śfierach hramadskaha žyćcia krainy, asabliva ŭ sistemie kultury i adukacyi, a taksama ŭ knihavydaviectvie.
Adnak pastupovaje raźvićcio našaj movy štučna spyniena ŭ vyniku refierendumu 1995 hoda. Było abvieščana dźviuchmoŭje, jakoje pryviało da amal poŭnaha vyciaśnieńnia dziaržaŭnaj movy tytulnaj nacyi krainy z usich śfieraŭ dziejnaści dziaržaŭnaha aparatu, u tym liku ŭ halinie adukacyi i kultury.
Tym nie mienš, biełaruskaja mova, jakaja maje tysiačahadovuju historyju, zachoŭvajecca na abšarach Jeŭropy i śvietu. Padčas pierapisu 1999 hoda značnaja bolšaść hramadzianaŭ Biełarusi nazvali jaje svajoj rodnaj. Pavaha da rodnaj movy i jaje aktyŭnych nośbitaŭ pašyrajecca siarod roznych płastoŭ biełaruskaha hramadstva, asabliva siarod haradskoj moładzi. Pra heta śviedčać sacyjałahičnyja apytańni i vyniki štohadovaha testavańnia pry pastupleńni ŭ VNU (amal pałova abituryjentaŭ u 2006 hodzie abrała biełaruskuju movu ŭ jakaści abaviazkovaha ispytu).
TBM źviartajecca da kožnaha patryjota Biełarusi: niezaležna ad nacyjanalnaści, adnosin da kanfiesijnaj i palityčnaj dziejnaści šyroka ŭžyvajcie biełaruskuju movu ŭ štodzionnym žyćci.
Zaraz nadychodziać zimovyja śviaty: Dzień Božaha naradžeńnia i Novy hod. My zaklikajem hramadzianaŭ Biełarusi nabyvać biełaruskamoŭnyja paštoŭki i kanvierty, vinšavać svaich siabroŭ i blizkich z hetymi śviatami pa-biełarusku. Heta budzie jaskravym dokazam lubovi i pavahi da rodnaha biełaruskaha słova.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary