TBM zmahajecca za prava na biaśpiečnaje žyćcio dla biełaruskamoŭnych biełarusaŭ. Tavarystva amal damahłosia ad čynoŭnikaŭ pierakładu i vydańnia biełaruskamoŭnych praviłaŭ darožnaha ruchu. Upieršyniu za čas isnavańnia Biełarusi i ŭłasna praviłaŭ. Taki cud.
TBM ciaham dvuch hadoŭ sprabuje damahčysia, kab Praviły darožnaha ruchu byli nadrukavanyja i vydadzienyja pa-biełarusku. Z hetaj inicyjatyvaj TBMaŭcy paabbivali šmat čynoŭnickich kabinetaŭ.
Narešcie, na hetym tydni Ministerstva justycyi pastanaviła ŭ aficyjnym adkazie TBM, što pierakład musić ździejśnić Ministerstva ŭnutranych spravaŭ, a ŭžo potym nadrukavać Praviły maje Ministerstva transpartu.
Praviłaŭ darožnaha ruchu na biełaruskaj movie nikoli nie isnavała, ni za Savieckim časam, ni ŭ niezaležnyja časy. Ciapier, pa słovach staršyni TBM Aleha Trusava, naśpieła patreba ŭ takim vydańni. Trusaŭ kaža, što MUS maje bahata kadraŭ, kab zrabić taki pierakład, ale TBM hatovaja akazvać ministerstvu lubuju dapamohu.
«Kali MUS usio ž admovicca pierakładać Praviły darožnaha ruchu, to my majem raspačać zbor podpisaŭ». – skazaŭ Trusaŭ. Raniej starańniami TBM u aŭtaškołach žadajučym pačali vydavać paśviedčańnie kiroŭcy na biełaruskaj movie.
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary