Kamitet dziaržkantrolu praviadzie pravierki ŭ paliklinikach
Najbližejšym časam Kamitet dziaržkantrolu Biełarusi maje namier pravieści rejdavyja pravierki ŭ paliklinikach. Takoje rašeńnie pryniata pa vynikach pramoj telefonnaj linii pa pytańniach pracy paliklinik, jakaja prajšła 22 krasavika, paviedamlajepres-słužba KDK.
Telefonnyja znosiny z žycharami krainy doŭžylisia na praciahu troch hadzin. Za hety čas ad hramadzian pastupiła bolš za 70 zvarotaŭ, pieravažnaja bolšaść — ad minčan. Poruč z supracoŭnikami Kamiteta dziaržaŭnaha kantrolu ŭ pracy pramoj linii taksama ŭziali ŭdzieł pradstaŭniki Ministerstva achovy zdaroŭja i kamiteta pa achovie zdaroŭja Minharvykankama.
Jak adznačyła načalnik hałoŭnaha ŭpraŭleńnia kantrolu za pracaj halin sacyjalnaj śfiery Kamiteta dziaržkantrolu Ała Mikałuckaja, jakaja pravodziła pramuju liniju, «dyjałoh z hramadzianami byŭ praviedzieny z prafiłaktyčnaj metaj, kab vyśvietlić jakija prablemy, źviazanyja ź miedycynskim absłuhoŭvańniem, chvalujuć žycharoŭ krainy, a taksama vyrašyć nabalełyja pytańni».
Asnoŭnyja narakańni, vykazanyja hramadzianami, byli źviazanyja z drennaj arhanizacyjaj vydačy tałonaŭ u paliklinikach i niedachopam vuzkaprofilnych śpiecyjalistaŭ, u pryvatnaści, nieŭrołahaŭ i ŭrołahaŭ. Ludzi, jakija chvarejuć na cukrovy dyjabiet, prapanoŭvali vydavać insulin nie ŭ peŭnych aptekach (da niekatorych ź ich daloka dabiracca), a ŭ paliklinikach pa terytaryjalnaj prykmiecie. Byli vyrašanyja mnohija pytańni, źviazanyja z akazańniem dapamohi hramadzianam u nabyćci lekaŭ, arhanizacyi pryjomu va ŭračoŭ, pastanoŭcy na ŭlik, paviedamlaje
Mikałuckaja zaŭvažyła, što zvanki hramadzian buduć praanalizavanyja, a ŭsie, chto źviarnuŭsia na pramuju liniju, atrymajuć adkazy.
Kamientary