25 krasavika kalehija pa hramadzianskich sudach Minskaha abłasnoha suda pad staršynstvam Taćciany Kułakovaj pakinuła ŭ sile rašeńnie suda Puchavickaha rajona, jaki nie zadavoliŭ isk byłoj nastaŭnicy Talkaŭskaj siaredniaj škoły Natalli Iljinič ab adnaŭleńni jaje na pracy.
Jak padkreśliŭ palityk Vincuk Viačorka, «jašče da sudovaha pracesu čynoŭniki nie ŭtojvali faktu dyskryminacyi nastaŭnicy pa palityčnych matyvach, pakolki, na ich dumku, Ilnič sa svaimi pohladami nie moža vučyć dziaciej». Palityk nazvaŭ sudovuju pastanovu «haniebnaj» i adznačyŭ, što inšaha ciažka było čakać ad suda, jaki «źjaŭlajecca składnikam sistemy ŭdušeńnia luboha inšadumstva ŭ krainie».
Iljinič adznačyła, što sudovaja sistema krainy pracuje biez asiečak, chacia jana i spadziavałasia na zvarotnaje. Nastaŭnica źbirajecca praciahvać abskardžańnie rašeńnia suda pieršaj instancyi.
Prysutnaja ŭ zale suda žycharka vioski Viežy Słuckaha rajona Minskaj vobłaści Maryna Damarad nazvała niespraviadlivym rašeńnie suda Puchavickaha rajona i pastanovu kalehii Minskaha abłasnoha suda pa isku Iljinič.
***
Nastaŭnica historyi vyšejšaj katehoryi była zvolnienaja 27 studzienia dyrektaram škoły Natallaj Mierkul. Piedahoh ličyć, što zvalnieńnie źviazanaje ź jaje aktyŭnaj hramadzianskaj pazicyjaj. Iljinič 26 hadoŭ adpracavała ŭ Talkaŭskaj škole, dzie stvaryła kariaznaŭčy hurtok i sajt talka.info, vydała knihu «Talka i navakolle», daśleduje
Iljinič źjaŭlajecca prychilnicaj idei biełaruskaha nacyjanalnaha adradžeńnia. Brała aktyŭny ŭdzieł u šerahu vybarčych kampanij — źbirała podpisy za demakratyčnych kandydataŭ i była naziralnikam.
5 studzienia supracoŭniki KDB i MUS praviali ŭ jaje domie vobysk, kanfiskavaŭšy siarod inšaha
Biezvynikovymi vyjavilisia zvaroty Iljinič da načalnika adździeła adukacyi Puchavickaha rajvykankama Taćciany Čarnyšovaj i ministra adukacyi Siarhieja Maskieviča z prośbaj akazać sadziejańnie ŭ adnaŭleńni na pracy. U suviazi z hetym 10 lutaha Iljinič padała zajavu ŭ sud. Pakolki 10 sakavika sudździa Śviatłana Akulič nie zadavoliła isk žančyny, jana abskardziła sudovaje rašeńnie ŭ Minskim abłasnym sudzie. Ułady Puchavickaha rajona nie dazvolili pravieści 15 krasavika ŭ Marjinaj Horcy pikiet salidarnaści sa zvolnienaj nastaŭnicaj. Z 1 krasavika, kali pačałasia akcyja salidarnaści ź Iljinič, jaje materyjalna i maralna padtrymali bolš jak 100 čałaviek.
Kamientary