Lidar Abjadnanaj Hramadzianskaj Partyi Anatol Labiedźka vyklikany na dopyt u prakuraturu Minska ŭ suviazi z kryminalnaj spravaj ab terakcie ŭ minskim mietro 11 krasavika 2011 hoda.
Jaho vyklikajuć u jakaści śviedki. Dopyt pryznačany na 12.30. Admietna, što śledčy prakuratury Hłaŭnicki Kanstancin Mikałajevič vyjaviŭ žadańnie pravieści sustreču mienavita 26 krasavika, u dzień praviadzieńnia ŭ Minsku «Čarnobylskaha šlachu».
Sam palityk razhladaje hety vyklik jak peŭny psichałahičny cisk na apanientaŭ režyma. «Usie kropki nad „i“ buduć rastaŭleny zaŭtra, — adznačyŭ Anatol Labiedźka ŭ intervju sajtu ucpb.org. — Zaprašeńnie pryjści ŭ prakuraturu z nahody vybucha ŭ mietro, naturalna, nijakim čynam mianie nie datyčyć. Tamu, ja dumaju, heta prosta padstava dla niejkich razmoŭ na inšyja temy. U lubym vypadku, heta možna razhladać jak peŭny psichałahičny cisk, jaki praciahvajecca paśla vybarčaj kampanii ŭ adnosinach da dziejučych palitykaŭ».
Kamientary