Siońnia, 25 krasavika, ŭ Kijevie startuje fiestyval «Biełaruskaja viasna — 2011». Asnoŭnaja meta arhanizataraŭ — źviarnuć uvahu hramadskaści da represij u Biełarusi.
Chto arhanizoŭvaje?
Fiestyval štohod ładzić tvorčaja inicyjatyva «Biełaruski desant» — supołka nieabyjakavych da Biełarusi ŭkraincaŭ, čyje siabry, svajaki albo znajomyja žyvuć i namahajucca zajmacca tvorčaściu va ŭmovach aŭtakratyčnaha režymu.
Što budzie?
Fiestyval praciahniecca, 18 dzion u Centry vizualnaj kultury NaUKMa, što mieścica pa adrasie vulica Skavarady 2.
Adkryjecca jon vystavaj «Asablivy režym», u jakuju ŭvachodzić: turemnaja hrafika Jurasia Navcikaha, antykatavalnyja postery «Pracedurny pakoj» Mikity Kadana, karykatury rasijca Andreja Bilžo, a taksama videainstalacyja «Płošča 2010» Vadzima Zamiroŭskaha, jaki štohod biare ŭdzieł u «Biełaruskaj viaśnie». Turemnaja hrafika Navickaha — heta zamaloŭka z natury, a taksama fota, zroblenyja na kamieru mabilnaha telefonu, jaki ŭ aŭtara atrymałasia pranieści ŭ kamieru. Karykatury Bilžo nakont nastupstvaŭ vybaraŭ pieraŭtvarylisia ŭ sapraŭdny chit biełaruskaha internetu.
U pieršy dzień fiestyvalu možna budzie taksama ŭbačyć pierformans Saška Irvanca «Čystasardečnaje pryznańnie», paŭdzielničać u
Fiestyval biełaruskaj represavanaj kultury pravodzicca ŭ Kijevie ŭžo piaty hod, i karystajecca vialikaj papularnaściu. U minułym hodzie prahrama fiestyvalu achapiła ŭsie śfiery — ad litaratury i animacyi da fatahrafii i vycinanki.
Sačyć za raskładam mierapryjemstvaŭ «Biełaruskaj viasny — 2011» možna na sajcie Belarus.org.ua
Kamientary