Siarhiej Kaścian, staršynia Biełaruskaha słavianskaha kamiteta: «Chaj budzie valuta pa tym kursie, jaki całkam adpaviadaje rečaisnaści. Tak budzie lepiej dla ŭsich nas»...
Apytańnie «NN».
Apošnimi dniami składvajecca adčuvańnie, byccam biełarusy sami ŭžo chočuć devalvacyi rubla — taki sabie ekanamičny cud. Što lepš: stajać
Alaksandr Taŭstyka, pradprymalnik:
«Dla pradprymalnikaŭ, kaniečnie, budzie lepiej, kali dalar jak maha chutčej źjavicca. My raźličvajem, što narmalny kurs zaraz — 3800–3900. Moža na hetym uzroŭni jon pratrymajecca da leta, moža troški mienš, moža — troški vyšej. Ale bolej za ŭsio my chočam, kab jak maha chutčej syšli haranty, jakija nie mohuć ničoha harantavać».
Ihar Sarokin, psichaterapieŭt:
«Mnie padajecca, što z «realnaha» i «aficyjnaha» lepš vybrać «realnaje». Chaj lepš źjavicca dalar, a nie ludzi pakutujuć u jahonych pošukach. Navat za 5–6 tysiač, ci kolki jon tam kaštuje zaraz. Tym bolš ludzi, jakija valutu kuplajuć, robiać heta ŭsio adno nie pa tym kursie, jaki ŭ televizary. A žyć realnym žyćciom usio adno lepš, čym hladzieć televizar».
Źmicier Biezkaravajny, muzyčny krytyk:
«Vidavočna, što ciapierašni kurs dalara nie adpaviadaje rečaisnaści. Jak ja razumieju, adsutnaść valuty ŭ abmieńnikach i roznyja valutnyja abmiežavańni tolki pavialičvajuć niedavier da rubla z boku pryvatnych asobaŭ i biznesu. Tamu niachaj dalar lepš budzie pa svaim sapraŭdnym kursie — budzie mienš paniki».
Jaŭhien Lipkovič, błohier:
«Ja razmaŭlaŭ z adnym dosyć viadomym ekanamistam, i jon mnie skazaŭ, što razhladałasia dva varyjanty vychadu z valutnaj situacyi. Pieršy — devalvacyja 40 pracentaŭ, rezkaje źnižeńnie VUP, ale praz hod — narmalizacyja, inflacyja 10 pracentaŭ, i, u pryncypie, narmalnaja ekanamičnaja situacyja. Druhi scenar — množnaść kursaŭ, VUP zachoŭvajecca, ničoha nie abvalvajecca, ale praciahvacca tak budzie try hady. Padajecca, našyja ŭłady vybrali druhi scenar. Mnie strašna nie padabajecca toje, što adbyvajecca zaraz — my raptoŭna apynulisia ŭ Savieckim Sajuzie, i ŭłady imknucca kantralavać navat čorny rynak».
Siarhiej Kaścian, staršynia Biełaruskaha słavianskaha kamiteta:
«Ja nie ekanamist, ale jak palityk liču tak: treba, kab situacyja źmianiłasia da lepšaha. To bok chaj u krainie budzie valuta pa tym kursie, jaki całkam adpaviadaje rečaisnaści. Tak budzie lepiej dla ŭsich nas».
Kamientary