Minsportu i turyzmu aficyjna zapytała ŭ Nacbanka prahnoz raźvićcia situacyi na valutnym rynku
Ministerstva sportu i turyzmu nakiravała aficyjny zapyt u Nacyjanalny bank Biełarusi ab prahnozie raźvićcia situacyi na valutnym rynku. Pra heta paviedamiŭ dyrektar departamienta pa turyźmie Ministerstva sportu i turyzmu Vadzim Karmazin 25 krasavika napres-kanfierencyi ŭ Minsku.
Pavodle jaho słoŭ, adkazu na zapyt pakul nie atrymana. Pry hetym kiraŭnik departamienta pa turyźmie Minsportu zajaviŭ, što pakul nie moža kamientavać situacyju na valutnym rynku: «heta prerahatyva Nacbanka».
«Turpradpryjemstvy vykručvajucca jak mohuć, šukajuć valutu», — acaniŭ Karmazin pracu turfirm u ciapierašnich umovach. Pavodle jaho infarmacyi, bolš za dziesiać turpradpryjemstvaŭ majuć licenziju Nacbanka na pryjom zamiežnaj valuty, jany pracujuć za valutu. Astatnija samastojna vyznačajuć toj ci inšy kurs dołara i realizujuć pucioŭki.
Jak adznačyła hienieralny dyrektar
najbujniejšyja turapieratary ŭstanaŭlivajuć kurs dołara roŭny prykładna 5 tysiačam biełaruskich rubloŭ.«A klijent volny kuplać pucioŭku za rubli pa takim kursie ci čakać, pakul kurs stabilizujecca i ŭpadzie», — skazała jana.
Namieśnik dyrektara pa turyźmie kampanii AirBelService Alaksandr Burdejka adznačyŭ, što turfirmy raźličvajuć u vyrašeńni prablemy z deficytam valuty na padtrymku Minsportu i Nacbanka. Pavodle jaho słoŭ, kampanija AirBelService nastojliva rekamienduje turystam apłačvać pasłuhi ŭ zamiežnaj valucie. U hetym vypadku kampanija harantuje turystam, što nijakich prablem z braniravańniem puciovak nie budzie. Tyja hramadzianie, jakija nie majuć mahčymaści kupić zamiežnuju valutu, mohuć nabyć pucioŭku za biełaruskija rubli pa kursie kala 5 tysiač biełaruskich rubloŭ za dołar.
Dyrektar Respublikanskaha sajuza turystyčnych arhanizacyj Valancin Cachmiejstar adznačyŭ, što ŭ takoj situacyi moža pavialičycca lik žycharoŭ Biełarusi, jakija addaduć pieravahu adpačynku ŭ krainie. Jon spadziajecca, što najbližejšym časam situacyja na valutnym rynku stabilizujecca.
Kamientary