Biełaruskija vytvorcy lekaŭ majuć ciažkaści ŭ pracy z-za adsutnaści valuty
Namieśnik dyrektara pradpryjemstva «Lekfarm» Andrej Patapovič vykazaŭ BiełaPAN mierkavańnie, što imparciory lekavych srodkaŭ zaraz znachodziacca ŭ lepšym stanoviščy za vytvorcaŭ, «bo majuć prava pieršačarhovaj kupli valuty pa aficyjnym kursie Nacbanka».
Pavodle jaho słoŭ, vytvorcy mohuć nabyvać valutu dla kupli substancyi, ź jakoj vyrablajucca leki, na biržy pa kursie Nacbanka. Dla kupli inšych składnikaŭ lekaŭ — pa pazabiržavym kursie. Zaraz u «Lekfarma» jość zapas substancyj i inšych składnikaŭ na niekalki miesiacaŭ. «U vypadku nieabchodnaści vykarystajem kredyt, adterminoŭki z pastaŭščykami pradukcyi», — skazaŭ Patapovič. Jon aścierahajecca, što kali pradpryjemstva budzie vymušana kuplać valutu pa vysokim kursie, heta moža pryvieści da pavieličeńnia koštu lekaŭ.
Jon taksama zaniepakojeny tym, što
Dyrektar Niaśvižskaha zavoda miedycynskich preparataŭ Siarhiej Prasmycki paviedamiŭ BiełaPAN, što zaraz pradpryjemstva nie zakuplaje impartnuju syravinu, ź jakoj vyrablajecca pradukcyja. Pavodle jaho słoŭ, pradpryjemstva pracuje na padstavie kantraktaŭ z adterminoŭkaj płaciažu. Zaraz nadyšoŭ termin płaciažu, «a valuty niama». «My kuplajem ekspartnuju vyručku, jakaja prychodzić, pavodle kursu Nacbanka i pradajem abaviazkovyja 30% valuty. Pakul valutu pa pazabiržavym kursie my nie kuplali», — zaznačyŭ Prasmycki.
Kali situacyja na valutnym rynku nie źmienicca, u najbližejšyja dva tydni pradpryjemstva moža spynicca, skazaŭ dyrektar. «My nie možam pracavać, pradajučy valutu, što pastupaje, pavodle kursu 3 tys. 100 rubloŭ i kuplajučy pa 6 tys. rubloŭ», — skazaŭ jon. U jakaści adnaho sa sposabaŭ źmiakčeńnia prablemy Prasmycki razhladaje admienu abaviazkovaha prodažu 30% valuty.
Kamientary