Praz tydzień Minsk i Maskva buduć hatovyja da padpisańnia dakumienta pa makraekanamičnaj stabilizacyi, jaki nieabchodny dla atrymańnia Biełaruśsiu kredytnych resursaŭ ad Rasii i z antykryzisnaha fondu JeŭrAzES.
Pra heta na bryfinhu 26 krasavika ŭ Minsku paviedamiŭ ministr finansaŭ Biełarusi Andrej Charkaviec.
«Amal uzhodnieny pieralik mierapryjemstvaŭ, jakija buduć realizavanyja ŭ miežach makraekanamičnaj stabilizacyi», — skazaŭ ministr.
Charkaviec paviedamiŭ, što na nastupnym tydni ŭ Minsk prybuduć ekśpierty antykryzisnaha fondu JeŭrAzES dla praciahu kansultacyj pa hetym prajekcie, jaki, pavodle jaho słoŭ, laža ŭ asnovu adnosinaŭ pamiž minfinami i hałoŭnymi bankami Biełarusi i Rasii.
Pavodle słoŭ kiraŭnika Minfina Biełarusi, prahrama ŭklučaje ŭ siabie miery
Jon zaznačyŭ, što luboje finansavańnie patrabuje vykanańnia peŭnych pracedur. U pryvatnaści, pytańnie ab vydzialeńni Biełarusi finansavańnia z antykryzisnaha fondu JeŭrAzES pavinna vyrašacca ŭ miežach pasiadžeńnia kiraŭnikoŭ fondu. «U mai my chacieli b pravieści takoje pasiadžeńnie», — skazaŭ ministr.
Što tyčycca pamieru kredytaŭ, jakija zapytvaje Biełaruś (1 młrd. dołaraŭ — dziaržkredyt RF i 2 młrd. dołaraŭ — z antykryzisnaha fondu JeŭrAzES), to, pavodle słoŭ Charkaŭca, «zajaŭlenyja sumy abjektyŭnyja, heta paćviardžajecca i rasijskim bokam».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)