paviedamiŭ 26 krasavika ŭ Minsku na bryfinhu žurnalistam ministr ekanomiki Mikałaj Snapkoŭ.
«Na hety momant prahnoz raźličvajecca. U asnovie raźliku lažać dva faktary: jakim Nacbank vyznačyć raŭnavažny kurs i nakolki źnižeńnie biudžetnych raschodaŭ dazvolić vykanać paramietry VUP», — skazaŭ jon.
Ministr padkreśliŭ,
što na hety momant u Minekanomiki niama dakładnych adkazaŭ ni na pieršaje, ni na druhoje pytańnie. «Tamu scenaryj, jaki ŭ nas jość, nie chaciełasia b afišavać», — zaznačyŭ jon.
Snapkoŭ pahadziŭsia, što situacyja na valutnym rynku adbiłasia na indeksie spažyvieckich cen. «Devalvacyjnyja čakańni, zakładvańnie ryzykaŭ adbyvajecca paŭsiudna: pačynajučy ad pastavak spažyvieckich, zakančvajučy bujnymi ździełkami», — kanstatavaŭ ministr.
Aprača taho, situacyja na valutnym rynku, miarkuje jon, niehatyŭna adbivajecca na biełaruskim biźniesie. Razam z tym Snapkoŭ padkreśliŭ, što «baza inflacyi, biez uliku enierhietyčnych tavaraŭ i indeksa spažyvieckich cen na charčavańnie, jaki sfarmiravaŭsia ŭ mnohim na źniešnim kontury, skłała 3,6–3,7%».
Ministr prahnazuje, što da siaredziny hoda «ceny zbałansujucca i znojduć svajo raŭnavažnaje pałažeńnie».
Nahadajem, pavodle źviestak Nacyjanalnaha statystyčnaha kamiteta, z pačatku krasavika spažyvieckija ceny na tavary i płatnyja pasłuhi nasielnictvu ŭzraśli na 2,5%, u tym liku z 12 pa 19 krasavika — na 0,7%. Z pačatku hoda pryrost spažyvieckich cen skłaŭ 8,8% pry hadavym prahnozie 7,5–8,5%.
Kamientary