27 krasavika pačalisia adrazu dva palityčnyja pracesy. U pieršym ź ich, a10-j hadzinie pačali sudzić kandydata ŭ prezidenty Andreja Sańnikava, a taksama jašče čatyroch šarahovych udzielnikaŭ akcyi: Illu Vasileviča, Aleha Hniedčyka, Fiodara Mirzajanava i Uładzimira Jaromienka.
Voś jak padsumoŭvaje pieršy dzień pracesu ahienctva BiełaPAN: «Uśviedamlaju, što sprava maje jarka vyražanuju palityčnuju afarboŭku. Niahledziačy na heta, zaklikaju vysoki sud i inšych udzielnikaŭ pracesu dziejničać u adpaviednaści z zakonam», — zajaviŭ Sańnikaŭ.
Jon paćvierdziŭ, što zaklikaŭ ludziej pryjści na płošču, i zajaviŭ, što ź inšymi kandydatami ŭ prezidenty svaje dziejańni ŭ hetym pytańni nie kaardynavaŭ.
Jak rastłumačyŭ Sańnikaŭ, rašeńnie pajści da Doma ŭrada było pryniata, tamu što na Kastryčnickaj płoščy było mała miesca. Taksama, pavodle słoŭ palityka, ź`iaviłasia infarmacyja, što ŭ Pałacy prafsajuzaŭ [na Kastryčnickaj płoščy] znachodzicca śpiecnaz i chutka pačniecca razhon.
Aprača taho, paviedamiŭ Sańnikaŭ, da taho momantu ŭžo ź`iaviłasia ideja praviadzieńnia pieramoŭ z uładami, tamu sumiesna ź inšymi kandydatami było pryniata rašeńnie iści da Doma ŭrada.
Sańnikaŭ źviarnuŭ uvahu na toje, što z boku pravaachoŭnych orhanaŭ da demanstrantaŭ nie prahučała zaklikaŭ razyścisia.
Pavodle słoŭ palityka, jon raźličvaŭ na toje, što va ŭradzie znojducca śmiełyja ludzi, jakija pryznajuć najaŭnaść kryzisnaj situacyi ŭ krainie i buduć hatovyja sumiesna pracavać nad jaje pieraadoleńniem. Ale takich nie znajšłosia, kanstatavaŭ Sańnikaŭ.
Zamiest hetaha, pavodle jaho słoŭ, stali bić škło. «Ja adrazu skazaŭ tym, chto stajaŭ pobač, što heta pravakacyja. Rymašeŭski abviaściŭ pra heta ŭ miehafon», — skazaŭ padsudny.
Pavodle jaho słoŭ, z boku Doma ŭrada niechta padyšoŭ i skazaŭ, što siłaviki hatovyja da pieramoŭ. «Stvaryli kalidor, pa jakim my z žonkaj prajšli da Doma ŭrada. Ale na pieramovy nichto nie vyjšaŭ. My pačakali, pajšli nazad da pomnika, dzie ŭžo pačałosia raśsiačeńnie», — paviedamiŭ Sańnikaŭ.
Kali Sańnikaŭ raskazvaŭ, jak jaho źbivali, maci palityka, što prysutničała ŭ zale suda, raspłakałasia.
Palityk zajaviŭ, što nie zaklikaŭ da biesparadkaŭ. «Nie było ničoha takoha, pra što havorycca ŭ abvinavačańni», — padkreśliŭ Sańnikaŭ.
Jon taksama paviedamiŭ, što paśla razhonu akcyi šukaŭ šapku žonki, jakuju taja zhubiła, i nie bačyŭ na płoščy ŭsich tych pradmietaŭ, jakija źjavilisia ŭ kryminalnaj spravie. «Kali b tam była armatura, siakiery i hetaj dalej, zaŭvažyŭ by», — skazaŭ Sańnikaŭ.
17:51
Sud praciahniecca zaŭtra, a 10:00.
17:17
Siarod inšaha, znojdzieny na Płoščy pakiet soli i marlevaja paviazka. Napeŭna, heta taksama dokazy masavych biesparadkaŭ.
16:59
Sudździa prapanuje źmianieńnie chady śledstva. Zamiest dopytu śviedkaŭ zaraz budzie aznajamleńnie ź piśmovymi materyjałami spravy.
16:41
Sańnikava dapytali. U sudzie abvieščany pierapynak na 10 chvilin.
16:32
«Absalutnaja łuchta — nijakich masavych biesparadkaŭ ja nie arhanizoŭvaŭ. Ja zaŭsiody kazaŭ, što my budziem vykonvać Kanstytucyju».
Sańnikaŭ kaža, što isnuje tradycyja, kali ŭ dzień vybaraŭ ludzi źbirajucca na mirnuju akcyju, kab skazać, što krainie patrebnyja źmieny».
16:24
«Na Akreścina mnie skazali, što traŭma surjoznaja, i mianie adviazuć u balnicu. Zamiest hetaha zavieźli ŭ Amierykanku.
Na Płoščy byli biełaruskija
16:17
«Ja chutka atrymaŭ udar niečym ciažkim pa nazie, a taksama pa hałavie. Vidać, na niejki čas straciŭ prytomnaść. Viedaju, što žonka i moj kiroŭca zakryvali mianie saboj.
Kali pryjšoŭ u siabie, to ŭstaŭ tolki pry dapamozie Leanida Navickaha i svajoj žonki. Jany mnie skazali, što treba jechać u balnicu. Znajomy žurnalist prapanavaŭ padvieźci. My sieli da jaho ŭ mašynu i pajechali ŭ špital. Na płoščy Pieramohi nas padrezała mašyna DAI. Ja sprabavaŭ davieści, što traŭmavany. Ale mianie vyrvali z mašyny, nanieśli niekalki ŭdaraŭ botami, pakłali ŭ śnieh. Nas pasadzili ŭ roznyja mašyny i advieźli ŭ izalatar na Akreścina».
16:14
Sańnikaŭ kaža, što skazaŭ śpiecnazaŭcam, kab jany klikali načalstva, jon hatovy da pieramovaŭ, ale nichto nie pryjšoŭ.
Kali kandydat u prezidenty zajšoŭ na hanak, to škło ŭžo było pabitaje. «Kali ja adyšoŭ da pomnika Lenina, to ŭžo pačałosia raśsiačeńnie».
16:09
«Važny byŭ sam fakt pieramovaŭ. Ja raźličvaŭ, što znojducca va ŭradzie śmiełyja ludzi, jakija pryznajuć najaŭnaść kryzisu.
Ja pačuŭ zvon škła la Doma ŭrada, pajšoŭ pahladzieć, što tam adbyvajecca. Ničoha tołkam nie pabačyŭ. Skazaŭ, što heta pravakacyja. Skazaŭ, što jaje treba spynić. Heta ž skazaŭ Rymašeŭski. U hety čas pajšoŭ pieršy łancužok śpiecnaza».
16:05
«Ja pryjšoŭ na płošču Niezaležnaści trochu paźniej, čym astatnija kandydaty. Ja pabačyŭ, što niekalki kandydataŭ stajać la kaścioła, ja padyšoŭ da ich. Razam my rušyli ŭbok pomnika Lenina. Ja nie zaklikaŭ ludziej iści pa prajeznaj častcy. My paŭtarali, što chočam pieramovaŭ. Za heta prahałasavali tysiačy ludziej na Kastryčnickaj płoščy».
16:00
«Ruch adbyvaŭsia pa prajeznaj častcy. Nie było zvarotaŭ DPS spynić ruch na prajeznaj častcy. DAIšniki stajali pa centru darohi, mitynhoŭcy ich prosta abyšli. Ja razam z žonkaj padyšoŭ da ich, kab skazać, što treba padtrymlivać paradak. Ja ruchaŭsia ŭ centry kałony. Zaklikaŭ razyścisia nie było. Ja viedaŭ, što akcyja niesankcyjanavanaja».
15:55
Kandydat u prezidenty kaža, što prybyŭ na Płošču razam z žonkaj i siabrami. Pryznaje, što na Kastryčnickaj źviartaŭsia da ludziej. «Kali pryniali rašeńnie pierasoŭvacca ŭ bok płoščy Niezaležnaści. Na Kastryčnickaj płoščy było niekalki dziasiatkaŭ tysiač čałaviek, ale nie byŭ zakryty katok, hučna hrała muzyka. Kandydaty nie mahli źviarnucca da ludziej, kab ich pačuli. Niechta paviedamiŭ, što ŭ Pałacy prafsajuzaŭ znachodziacca amapaŭcy i
15:50
Prakuror pytajecca, ci zaklikaŭ Sańnikaŭ prychodzić ludziej 19 śniežnia na Płošču. Sańnikaŭ kaža, što tak, u tym liku ŭ ŚMI, i sustrečach z vybarcami.
«Ź inšymi kandydatami ja svaje dziejańni nie kaardynavaŭ, choć i viedaŭ, što jany taksama zaklikali na Płošču. Nijakaha sumiesnaha płanavańnia Płoščy nie było. Ukazańniaŭ prychodzić ja nie davaŭ».
15:46
Pakazańni pačaŭ davać Sańnikaŭ. Jon zaklikaŭ sudździu dziejničać pavodle zakona. Kaža, što sprava maje vidavočnuju palityčnuju afarboŭku.
15:16
Pa acenkach Mirzajanava, na Płoščy było 30 tysiač čałaviek. Prykładna takuju samuju ličbu nazyvajuć i inšyja abvinavačanyja.
15:11
Mirzajanaŭ taksama zajaŭlaje pra cisk. 25 studzienia načalnik śledčaha ŭpraŭleńnia Kazakievič prapanavaŭ Mirzajanavu skazać, što kandydaty davali hrošy jamu za ŭdzieł, tady jon budzie prachodzić jak śviedka. Kaža, što častkova pryznaŭ vinu, bo jaho abiacali vypuścić z Vaładarki ŭ vypadku pryznańnia.
15:05
Mirzajanaŭ kaža, što sprabavaŭ nie prapuścić pravakataraŭ na hanak Doma ŭrada, jon stajaŭ u šerahu ludziej.
Kali pieršy raz padyšoŭ śpiecnaz, to Mirzajanava adkinuła da hanka Doma ŭrada. Chłopiec taksama havoryć, što sprabavaŭ prybrać škło, kab nie dapuścić ranieńnia ludziej. Asabista jon nie nanosiŭ udary.
14:56
Pakazańni daje Fiodar Mirzajanaŭ. Jon vučyŭsia ŭ BDEU. Mirzajanaŭ byŭ siabram BRSM. Kaža, što pryjechaŭ na Płošču pa zakliku Jarasłava Ramančuka, jaki pačuŭ pa BT.
14:40
Hniedčyk havoryć, što nijakich zaklikaŭ ad kandydataŭ šturmavać Dom urada nie było. Jon nie bačyŭ supracoŭnikaŭ pravaachoŭnych orhanaŭ na hanku Doma ŭrada. Zatoje bačyŭ ledarub u rukach niekaha z udzielnikaŭ, a taksama adnu pałku.
14:16
Hniedčyk havoryć, što bačyŭ Parfiankova. Kaža, što Rymašeŭski zaklikaŭ nie dapuskać pravakacyj.
Hniedčyk kaža, što nanios prykładna šturškoŭ i ŭdaraŭ kala 15.
14:03
Praces adnaviŭsia paśla pierapynku. Pačynajecca dopyt Aleha Hniedčyka. Jon pracavaŭ u budaŭničaj firmie. Padčas vybaraŭ byŭ u inicyjatyŭnaj hrupie Uładzimira Niaklajeva.
13:05
Abvieščany pierapynak da 14:00
12:37
Vasilevič pryznaŭsia, što nanios niekalki ŭdaraŭ pa škle Doma ŭrada. Kaža, što takim čynam jon sprabavaŭ pieraduchilić mahčymuju niebiaśpieku. Kali b milicyja nacisnuła na ludziej na hanku Doma ŭrada, to mahli b być traŭmy. Mienavita tamu Vasilevič biŭ astatki škła.
Vasilevič na Płoščy byŭ u mascy, bo bajaŭsia adličeńnia z kaledža, ale heta jaho nie vyratavała, bo 3 studzienia chłopca adličyli.
Kaža, što pryjšoŭ na Płošču, kab pasłuchać kandydataŭ u prezidenty. Pakazańni nie supadajuć z tymi, što chłopiec davaŭ padčas papiaredniaha śledstva. Vasilevič skazaŭ, što na jaho akazvaŭsia psichałahičny cisk, kab jon daŭ takija pakazańni.
Havoryć, što supracoŭniki KDB i inšych śpiecsłužb pahražali jamu, prasili abhavaryć kandydataŭ u prezidenty, pryznacca ŭ atrymańni hrošaj.
Pa acenkach Vasileviča, na Płoščy było 25 tysiač čałaviek. Svajoj viny jon nie pryznaje.
11:55
Pačynajecca dopyt abvinavačanaha Illi Vasileviča. Jany žyli razam ź siabram Fiodaram Mirzajanavym. Vučyŭsia ŭ Politechničnym kaledžy.
11:52
Jaromienak kaža, što całkam pryznaje svaju vinu. Jon nanosiŭ udary pa dźviarach Doma ŭrada. «Mahčyma, nie da kanca razumieŭ, što rabiŭ». Havoryć, što viedaŭ ab parušeńni zakanadaŭstva.
Jaromienak pryznaŭsia, što mieŭ z saboj fomku, ale nie danios jaje da Kastryčnickaj płoščy, vykinuŭ pa darozie. Fomka była ŭ metach biaśpieki, kali akcyja nie budzie mirnaj. Uładzimir raskajvajecca ŭ svaich učynkach.
Tym nie mienš, jon pryznaje, što byli pravakacyi. Niechta z hanka Doma ŭrada kryčaŭ: «Ej, biełarusy, idzicie siudy». Jon padbieh na hety zaklik.
Fiodar Mirzajanaŭ papytaŭsia, ci rekamiendavali supracoŭniki KDB Jaromienku pryznacca ŭ ździejśnienym. Kaža, što tak. U vypadku pryznańnia, abiacali adpuścić dadomu. Sam Uładzimir maryć praciahnuć vučobu ŭ BDUIR.
11:17
Pakazańni daje Jaromienak. Jon ź Mioraŭ, student BDUIR. Byŭ siabram «Maładoha frontu».
11:05
Sańnikaŭ, Vasilevič, Mirzajanaŭ vinu nie pryznali całkam. Mirzajanaŭ skazaŭ: «Heta chłuśnia». Tym samym sarvaŭ apładysmienty zali.
Hniedčyk pryznaŭ abvinavačvańnie častkova, što ŭdzielničaŭ u akcyi. Ale ŭ padpałach, uzbrojenym supracivie nie prymaŭ udziełu.
Jaromienak pryznaŭ svaju vinuju całkam.
11:06
Prakuror začytvaje aficyjnaje abvinavačvańnie padsudnym. Jano datyčyć masavych biesparadkaŭ — pahromy, padpały, źniščeńnie majomaści, uzbrojeny supraciŭ, hvałt nad asobpj.
Prakuror kaža, što mitynhoŭcy byli ŭzbrojenyja zapalvajučymi sumiesiami, siakierami, ledarubami, rydloŭkami, zavostranymi pałkami.
Kaža, što abvinavačanyja pryjšli na Płošču pad nadumanym povadam falsifikacyi vybaraŭ, dałučylisia natoŭpa.
Ich dziejańni pryviali da šmatlikich traŭmaŭ supracoŭnikaŭ milicyi. Paciarpiełyja tyja samyja, što na sudzie nad Mikitam Lichavidam. A taksama naniesienaja materyjalnaja škoda. Znoŭ fihuraje mažžavielnik kazacki.
10:25
U sudzie abvieščany pierapynak. Sudździa budzie prymać rašeńnie adnosna chadajnictva abarony Sańnikava. U zali suda zaleplenyja razietki, kab žurnalisty nie mahli ich vykarystać.
10:32
Viaźniaŭ abaraniajuć: Sańnikava — Varvaševič i Kavaleŭskaja, Jaromienka — Mušynski, Hniedčyka — Ivanova, Vasileviča — Biełaja, Mirzajanava — Halijeŭ.
10:19
Advakat Varvaševič zajaŭlaje chadajnictva ab źmianieńni miery strymańnia suprać jaho padabaronnaha Andreja Sańnikava. Nichto z abvinavačanych nie majuć advodu da sudździ.
10.06
Spravu razhladaje sudździa Natalla Čaćviartkova, prakuror Zaharodski.
Andreja Sańnikava abaraniajuć advakaty Varvaševič i Kavaleŭskaja.
Palitviazień Jaromienak havoryć da suda
10.04
Karekspandent «Našaj Nivy» prysutničaje ŭ zale suda. Mabilnaja suviaź jość, tamu budzie paŭnavarty
Prysutničajuć baćki abvinavačanych.
Praces aśviatlajuć dziasiatki žurnalistaŭ: nie ŭsie ź ich prabilisia ŭ zału.
Andreja Sańnikava sudziać pieršym siarod eks-kandydataŭ u prezidenty.
Razam z Andrejem Sańnikavym sudziać čatyroch junakoŭ.
Fiodar Mirzajanaŭ.
Illa Vasilevič.
Aleh Hniedčyk.
Palitviazień Uładzimir Jaromienak (źleva) havoryć da suda pa-biełarusku. Viaźni starajucca pabačyć svaach blizkich, jakich nie bačyli try miesiacy.
Praces aśviatlajuć dziasiatki žurnalistaŭ: nie ŭsie ź ich prabilisia ŭ zału.
Praces budzie vieści sudździa Partyzanskaha rajona Natalla Čaćviartkova. Raniej jana niekalki razoŭ vynosiła prysudy aktyvistam, ale ŭ bujnych palityčnych pracesach da hetaha zaŭvažnaj nie była.
Absalutna kranalny list baćku napisaŭ syn Sańnikava Danik. «O, moj luby tata! Ja tak lublu ciabie! Chaču, kab ty nie vaziŭsia z tvajoj pracaj. Kali łaska, tata, pryjazdžaj da nas. Ja chaču, kab ty pryvioz mnie
U mamy prastuda i joj nielha vychodzić. Tamu my vychodzim tolki ź ciotkaj Taniaj, babulaj i dziedam».
Sańnikaŭ budzie pieršym kandydatam u prezidenty, jaki dačakaŭsia svajho suda.Pa prysudzie možna budzie mierkavać, što pahražaje astatnim kandydatam. Aktyvisty «Jeŭrapiejskaj Biełarusi» zaklikajuć ludziej prychodzić na sud ź sinimi stužačkami koleru Jeŭropy.
U toj samy dzień ab11-j hadzinie ŭ Kastryčnickim sudzie pačynajecca razhlad spravy ŭpartaha aktyvista apazicyi Paŭła Vinahradava, junaka z Hrodna Alesia Kirkieviča, archivista Źmitra Drazda, Andreja Pratasieni i Uładzimira Chamičenki (ahient «Navušnik»).
Sudździoj budzie dosyć viadomaja Ała Bułaš. U 2006 hodzie jana za zakrytymi dźviaryma razhladała kryminalnuju spravu Źmitra Daškieviča. Tady lidara «Maładoha fronta» asudzili na dva hady za dziejnaść ad imia niezarehistravanaj arhanizacyi.
Najbolšy termin siarod hetaj piaciorki ryzykuje atrymać Pavieł Vinahradaŭ. Sprava ŭ tym, što chłopca buduć sudzić nie tolki za ŭdzieł u masavych biesparadkach, ale i za abrazu nacyjanalnych simvałaŭ. Pry pieratrusie ŭ Vinahradava kanfiskavali kampjutar, dzie znajšli zdymki, jak jon spalvaje pudziła Łukašenki.
Na tym tydni karotkaje spatkańnie z Paŭłam mieŭ jahony baćka Jury Vinahradaŭ. Jon kaža, što aktyvist abraŭ sabie madel pavodzinaŭ na sudzie. «Budzie havaryć, što išoŭ na Płošču pavodle palityčnych pierakanańniaŭ, pavodle sumleńnia».
5 maja pačynajecca sud nad lidarami kampanii «Havary praŭdu» Uładzimiram Niaklajevym, Alaksandram Fiadutam, Andrejem Dźmitryjevym, Siarhiejem Vaźniakom, a taksama kandydatam u prezidenty Vitalem Rymašeŭskim i maładafrontaŭkaj Nastaj Pałažankaj. Ich abvinavačvajuć u dziejańniach, što hruba parušajuć hramadski paradak.
Sud projdzie ŭ Frunzienskim rajonie stalicy. Kiravać na im budzie Žanna Žukoŭskaja. Jana ŭžo trapiła ŭ śpis nievyjaznych u krainy Jeŭrasajuza pad
Napiaredadni suda lidar kampanii «Havary praŭdu» Uładzimir Niaklajeŭ praz žonku Volhu pieradaŭ zvarot u Minski haradski sud. Niaklajeŭ prosić spynić suprać jaho i inšych udzielnikaŭ Płoščy kryminalnuju spravu za adsutnaściu składa złačynstva. Svajoj viny paet nie pryznaje.
Daty sudoŭ nad astatnimi ŭdzielnikami Płoščy jašče nie pryznačanyja.
***
Za «Płošču» asudžana ŭžo vosiem čałaviek: za ŭdzieł u masavych biesparadkach Vasil Parfiankoŭ pryhavorany da čatyroch hadoŭ pazbaŭleńnia voli ŭ kałonii strohaha režymu; Alaksandr Atroščankaŭ — da čatyroch hadoŭ u kałonii ŭzmocnienaha režymu; Mikita Lichavid — da troch z pałovaj hadoŭ pazbaŭleńnia voli, Dźmitryj Novik i Alaksandr Małčanaŭ — da troch z pałovaj i troch hadoŭ u kałonii ŭzmocnienaha režymu adpaviedna; hramadzianie RF Arciom Breus i Ivan Haponaŭ — da štrafu ŭ 300 bazavych vieličyniaŭ (10,5 młn. rubloŭ) kožny; Dźmitryj Miadźviedź — da troch hadoŭ abmiežavańnia voli biez nakiravańnia ŭ papraŭčuju ŭstanovu.
Za złosnaje chulihanstva byli taksama asudžanyja Źmicier Daškievič i Eduard Łobaŭ — na dva i čatyry hady pazbaŭleńnia voli adpaviedna. Ich zatrymali 18 śniežnia, za dzień da prezidenckich vybaraŭ.
