I tak možna było b nazvać artykuł sp.Sadoŭskaha ŭ «NN» №38.
I tak možna było b nazvać artykuł sp.Sadoŭskaha ŭ «NN» №38. Dla hramadzian našaj krainy pytańnie aktualnaje. Mienavita tamu aŭtar zakranuŭ hramadzianskuju pastavu niekatorych tvorcaŭ jak prykład, nia varty pierajmańnia. Sapraŭdy, nieprystojna abviaščać novaj knihaj vydańnie z dadavańniem adnaho apaviadańnia i źmienienaj nazvaj. Padman lohka vykryvajecca, kali čytač razhortvaje nibyta novuju (!) knihu.
Spadar A.Fiaduta ŭvodzić u zman nieabaznanaha čytača inšym sposabam. Jon pakazvaje pamyłki apazycyi, piša, jak jana pavinna siabie pavodzić z pazycyi nibyta svajho čałavieka, apazycyjanera. Jaskravy prykład idejnaj nieadpaviednaści aŭtara abranaj temie! Nia dziva, što sp.Sadoŭski prosta havoryć, što časam niajomka čytać pra «apazycyjnaść» sp.Fiaduty, tym bolš pra jahonaje «maralnaje prava pavučać apazycyju». Niama ŭ sp.Fiaduty hetaha prava, prynamsi, maralnaha.
Ale mianie najbolš aburaje ŭ hetaj palemicy na bačynach «NN» sproba sp.Fiaduty padmianić razmovu ab maralnaści dyskusijaj na temy litaraturnaj abaznanaści. Pry hetym nakidvajecca ŭražańnie, što niaviedańnie sp.Sadoŭskim rasiejskich litaraturnych padziejaŭ časoŭ Puškina i Niakrasava i jość hałoŭnym pradmietam dyskusii. Vo jak! I jak ni imkniecca sp.Fiaduta pakazać svaju vietlivaść ŭ dačynieńni da apanenta, zaŭvažajecca jahonaja razdražnionaść i navat niepavaha. Tamu dumajecca, što mienavita na padmienie napramku možna praciahvać dalej – začepka jość.
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Kamientary