Pamierła Valancina Koŭtun 2

Učora ŭ Pinsku na 66-m hodzie žyćcia pamierła viadomaja biełaruskaja piśmieńnica Valancina Koŭtun,

paviedamlaje sajt Sajuza biełaruskich piśmieńnikaŭ.

Valancina Koŭtun (sapr. Valancina Novik), naradziłasia 6 krasavika 1946 h. u vioscy Dziemiachi Rečyckaha rajona Homielskaj vobłaści ŭ siamji nastaŭnika.

U 1963 h. skončyła Małotkavickuju siaredniuju škołu, pracavała pijaniervažataj u Paršavickaj (ciapier Biarozavickaj) siaredniaj škole Pinskaha rajona. U 1964 h. pastupiła na fiłałahičny fakultet Lvoŭskaha dziaržaŭnaha ŭniviersiteta, a z 4 kursa pieraviałasia ŭ Biełaruski dziaržaŭny ŭniviersitet (skončyła ŭ 1969). Pracavała nastaŭnicaj movy i litaratury Varnianskaj siaredniaj škoły Astravieckaha rajona (1969–1970), litkansultantam «Sielskoj haziety» (1970–1976). Z 1976 h. — litsupracoŭnik, z 1979 h. — redaktar adździeła krytyki i litaraturaznaŭstva časopisa «Połymia», z 1982 h. — zahadčyk redakcyi litaratury dla junactva vydaviectva «Junactva», z 1990 h. — staršy redaktar adździeła prozy časopisa «Połymia». U 1977—1980 hh. vučyłasia ŭ aśpirantury pry Instytucie mastactvaznaŭstva, etnahrafii i falkłoru AN BSSR. Kandydat fiłałahičnych navuk. Siabra SP SSSR z 1976 h.

U druku vystupała z 1966 h. Łaŭreat Litaraturnaj premii SP BSSR imia A.Kulašova (1986) za knihu paezii «Mietranom».

Redakcyja vykazvaje svaje spačuvańni rodnym i blizkim piśmieńnicy.

SBP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH