Biełaruski kiraŭnik zajaviŭ, što pieramovy byli «doŭhimi i składanymi», i što ŭrešcie ŭdałosia «znajści tuju nitku, za jakuju zmožam učapicca».
Siońnia ŭ Kramli prajšła sustreča kiraŭnikoŭ Rasiei i Biełarusi Ŭładzimiera Pucina i Alaksandra Łukašenki, a taksama pasiedžańnie Vyšejšaha dziaržsavietu sajuznaj dziaržavy. U centry ŭvahi – košty na pastaŭki rasiejskich enerhanośbitaŭ u Biełaruś.
Sustreča U.Pucina i A.Łukašenki sam-nasam doŭžyłasia kala troch hadzin. U paradku pasiedžańnia nie było prajektu Kanstytucyjnaha aktu i pytańnia ab sajuznaj valucie, jak i pytańniaŭ, źviazanych z koštam rasiejskaha hazu i nafty, jakaja budzie pastaŭlacca ŭ Biełaruś u 2007 hodzie. Adnak mienavita hetyja temy daminavali padčas razmovy Pucina i Łukašenki, paśla jakoj biełaruski kiraŭnik zajaviŭ, što pieramovy byli «doŭhimi i składanymi», i što ŭrešcie ŭdałosia «znajści tuju nitku, za jakuju zmožam učapicca».
«Dumaju, što ŭ bližejšy čas my zmožam źniać vielmi mnohija pytańni, jakija stali ciažkimi dla nas, nie chvaravitymi, ale ciažkimi»,– skazaŭ A.Łukašenka. Da hetych pytańniaŭ jon adnios prajekt Kanstytucyjnaha aktu sajuznaj dziaržavy, adzinuju valutu i «šerah inšych pytańniaŭ, pra jakija šmat pišuć i havorać».
Fota vsluh.ru
Kamientary