BiełTA: U Maskvie byli dasiahnutyja damoŭlenaści, dla realizacyi jakich buduć vyznačanyja mechanizmy
Pa-raniejšamu mała infarmacyi z Maskvy, dzie adbyłasia suctreča A. Łukašenki i U. Pucina. Rasiejskija krynicy pišuć pra toje, što pieramovy zakončylisia ź nieakreślenym vynikam i źviartajuć uvahu na remarku Łukašenki, što ŭdałosia damovicca pra adzinuju kanstytucyju i adzinuju valutu.
Pa-raniejšamu mała infarmacyi z Maskvy, dzie adbyłasia suctreča A. Łukašenki i U. Pucina. Rasiejskija krynicy pišuć pra toje, što pieramovy zakončylisia ź nieakreślenym vynikam i źviartajuć uvahu na remarku Łukašenki, što ŭdałosia damovicca pra adzinuju kanstytucyju i adzinuju valutu.
Biełaruskaje dziaržaŭnaje ahienctva BiełTA daje infarmacyju nastolki ahulnuju, što navat miž radkoŭ u joj ciažka niešta vyčytać. Pryvodzim tut depešy BiełTA:
«Prezidenty Biełarusi i Rasii pa vynikach dvuchbakovych pierahavoraŭ u Maskvie daručyli ŭradam prapracavać šerah dasiahnutych na vyšejšym uzroŭni damoŭlenaściej. Ab hetym karespandentu BIEŁTA paviedamili ŭ pres-słužbie kiraŭnika biełaruskaj dziaržavy. Jak čakajecca, miechanizmy realizacyi damoŭlenaściej mohuć być vyznačany ŭ bližejšy čas».
«Šerah važnych rašeńniaŭ pryniaty pa vynikach pasiadžeńnia Vyšejšaha Dziaržaŭnaha Savieta Sajuznaj dziaržavy, jakoje adbyłosia 15 śniežnia ŭ Maskvie. U pryvatnaści, zaćvierdžany biudžet Sajuznaj dziaržavy na 2007 hod, Prahrama ŭzhodnienych dziejańniaŭ u halinie źniešniaj palityki dziaržaŭ - udzielnic Dahavora ab stvareńni Sajuznaj dziaržavy na 2006-2007 hady, Pałažeńnie ab Padziacy VDS, padviedzieny vyniki vykanańnia Prahramy ŭparadkavańnia źniešniaj hranicy Sajuznaj dziaržavy, paviedamili BIEŁTA u pres-słužbie biełaruskaha lidera.
Prezidenty Biełarusi i Rasii pazityŭna acanili toj fakt, što sajuzny biudžet upieršyniu pryniaty da pačatku novaha finansavaha hoda. Na dumku kiraŭnikoŭ dziaržaŭ, heta śviedčyć ab bolšaj skaardynavanaści ŭ rabocie adpaviednych orhanaŭ.
Da pačatku pasiadžeńnia Vyšejšaha Dziaržaŭnaha Savieta Sajuznaj dziaržavy Alaksandr Łukašenka i Uładzimir Pucin praviali dvuchbakovyja pierahavory, jakija doŭžylisia amal try hadziny.
Kamiencirujučy vyniki sustrečy ŭ farmacie «sam-nasam», biełaruski lider zajaviŭ: «My siońnia dumali vynieści «za dužki» pytańni ab Kanstytucyjnym akcie i adzinaj valucie, nad jakimi idzie ciažkaja, ale plonnaja rabota, i jašče niekatoryja pytańni, ab jakich šmat pišuć. Ale ŭ vyniku našych ciažkich i praciahłych pierahavoraŭ byccam by znajšli tuju nić, za jakuju možam uchapicca. Dumaju, u bližejšy čas my zmožam źniać vielmi mnohija pytańni, jakija byli takimi ciažkimi dla nas. Tamu pierahavory pradaŭžalisia siońnia tak doŭha».
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary