Nacbank dazvoliŭ kamiercyjnym bankam ustanavić svabodny kurs najaŭnaj valuty dla nasielnictva. Ale, jak paviedamili «Našaj Nivie» krynicy ŭ bankach, pry hetym u banki pryjšła niefarmalnaja rekamiendacyja, kab da kanca hetaha tydnia kursy nie pieravyšali 4000 rubloŭ za dalar.I praŭda, mienavita da hetaj miažy padskočyŭ kurs amal va ŭsich abmieńnikaŭ.
Bolšaść bankaŭ kuplaje dalar za 3990 rubloŭ, a pradaje za 4000.Taki samy minimalny łah ustanaviŭsia miž kursam prodažu i kupli jeŭra: 5750/5760.
Jak viadoma, kurs dalara na pazabiržavym rynku dla pradpryjemstvaŭ trymajecca na ŭzroŭni kala 5200 za dalar. Adnak razavaja devalvacyja na 70% była b šokam dla hramadzian. Tamu Nacbank pajšoŭ spačatku na paŭmieru. Ci aznačaje heta, što rubiel praciahnie padzieńnie?
Heta vielmi imavierna. Zrešty, inšyja ekśpierty nie vyklučajuć, što ŭ takim nizkim kursie rubla jość i psichałahičny składnik. Mahčyma, paśla taho jak schłynuć devalvacyjnyja čakańni, kurs moža sapraŭdy spynicca na ŭzroŭni kala 4000. Mienavita pra taki kurs havaryŭ jak pra «zbałansavany»
Krynicy ahienctva «Interfaks» u bankach miarkujuć, što realny rynkavy kurs najaŭnaha rubla ŭ pieršyja dni paśla jaho vyzvaleńnia moh by skłaścisia na ŭzroŭni 4500–4600 rubloŭ za dalar, abo na 50% nižej, čym aficyjny kurs Nacbanka.
Cikava, što kali Nacbank 21 krasavika pasprabavaŭ vusnaj rekamiendacyjaj abmiežavać płankaj 4500 kurs dalara dla pradpryjemstvaŭ, to heta pryviało da paraliču rynku bieznajaŭnaj valuty, i 27 krasavika Nacbank vymušany byŭ adklikać svaju rekamiendacyju.
Kupić valutu ŭ abmieńnikach
