Žychary Bielhii pieražyli sapraŭdny šok paśla taho, jak pa dziaržaŭnym telebačańni im paviedamili pra raspad krainy.
Žychary Bielhii pieražyli sapraŭdny šok paśla taho, jak pa dziaržaŭnym telebačańni im paviedamili pra raspad krainy.
Toje, što heta rozyhryš zrazumieli nia ŭsie j daloka nie adrazu.
Dziaržaŭny telekanał RTBF u sieradu viečaram abjaviŭ pra toje, što parlament Flandryi prahałasavaŭ za adłučeńnie hetaha flamandzkamoŭnaha rehijonu ad Karaleŭstva Belhija, što Belhii bolej nie isnuje, a karol na vajskovym samalocie pakinuŭ krainu. Žurnalisty pieradavali hetuju "navinu" z-pad karaleŭskaha pałacu. Praz peŭny čas pajšli inšyja žyvyja ŭklučeńni: z-pad pałacu "Atomijum", dzie, nibyta, schavalisia belhijskija palityki, viernyja adzinstvu krainy, z časovych punktaŭ propusku, nibyta abładžanych flamandzkaj vartaj na miažy frankamoŭnych i flamandzkamoŭnych kvartałaŭ stalicy, infarmacyja pra pierakryćcio tramvajnych maršrutaŭ na hetaj novaj miažy... Hetaja navina pierapałochała nia tolki Belhiju, ale i susiednija krainy. Tolki praz peŭny čas vypuski "navinaŭ" pačali supravadžacca bieśpierapynnym ruchomym radkom. U im tłumačyłasia, što ŭsio heta tolki žurnalisckaja vydumka. Praŭda, nabrany jon byŭ nastolki drobnym šrfytam, a žurnalisty i viadoŭcy byli nastolki surjoznyja, što mnohija hledačy praciahvali prymać hetuju sensacyjnuju navinu za ščyruju praŭdu. Aproč taho, praŭdapadobnaści hetym paviedamleńniam dadavali tak zvanyja «žyvyja» ŭklučeńni, u jakich svaje kamentary z nahody raskołu krainy davali viadomyja ŭ Belhii palityki j hramadzkija dziejačy.
Pavodle słovaŭ pradstaŭnikoŭ telekanału, hety prajekt mieŭ na mecie nia tolki žartaŭlivyja mety. Jon byŭ staranna pradumany i rychtavaŭsia ŭ tajamnicy dva miesiacy. Jany namahalisia prademanstravać usie nehatyŭnyja nastupstvy mahčymaha padziełu Bielhii na Flandryju j Valoniju. Sam pa sabie taki scenar abmiarkoŭvajuć u hetaj krainie ŭžo davoli daŭno.
Hetaja prahrama vyklikała burnuju reakcyju aficyjnaha kiraŭnictva – premjer-ministar Belhii ŭ aficyjnaj zajavie nazvaŭ prahramu j jejnych aŭtaraŭ «absalutna biezadkaznymi». Ministarka infarmacyi zajaviła, što ŚMI ŭ dadzienym vypadku parušyła žurnalisckuju etyku. Što cikava, nichto nie havoryć pra zakryćcio kanału: žurnalisty ŭ svabodnaj krainie majuć prava i na pravakacyju.
Flandryja ruchajecca da niezaležnaści
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary