Hran-pry «Belarus Press Photo 2011» atrymaŭ fotakar «Našaj Nivy» Siarhiej Hudzilin 20

U čornuju-čornuju piatnicu 13 maja ŭ Miensku prajšła cyrymonija ŭznaharodžvańnia pieramožcaŭ konkursu prafiesijnych fotareparcioraŭ Biełarusi «Belarus Press Photo 2011».

Fota, jakoje atrymała Hran-pry.

Siarhiej Hudzilin za pracaj.

Konkurs pravodzicca ŭsiaho ŭ druhi raz, ale ŭžo sioleta pieramožcy musili atrymoŭvać svaje ŭznaharody ŭ paŭpadpolnych umovach. Spadziavańni arhanizataraŭ zładzić uračystuju cyrymoniju ŭ Muziei historyi i kultury Miensku raźbilisia ab ćvierdałobaść administracyi hetaj ustanovy. Aznajomiŭšysia z pracami pieramožcaŭ «BPP 2011», pradstaŭniki muzieja zajavili arhanizataram, što ich cyrymonija i vystava ŭ muziei adbycca nie moža praz «nizkuju estetyčnuju vartaść fatahrafij». Toje, što zdymki adbirali aŭtarytetnyja ekśpierty z susiednich ź Biełaruśsiu krain, dla muziejščykaŭ nie mieła značeńnia. Chacia, mahčyma, pryčyna zusim u inšym. Siarod prac-pieramožcaŭ jość niekalki fota z Płoščy, a taksama (kryj, Boža!) partret Uładzimira Niaklajeva, sudovy praces nad jakim jašče nie zaviaršyŭsia.

Ale «Haspodź ź imi…», jak zajaviŭ viadoŭca cyrymonii uznaharodžvańnia Alaksandr Pamidoraŭ pra administracyju Muzieja historyi i kultury Mienska.

Svaje ŭznaharody pieramožcy «BPP 2011» atrymoŭvali ŭ pamiaškańni fotastudyi «Źniata». Atrymałasia ŭtulna i pryjemna, choć u nievialikaj zali kamiery nie było dzie ŭpaści praź nievierahodnuju ščylnaść fatohrafaŭ i ich prychilnikaŭ.

Słova pierad prysutnymi ŭziaŭ adzin z arhanizataraŭ konkursu, Siarhiej Michalenka: «Chaču ŭsich pavinšavać z tym, što konkurs adbyŭsia. Druhi raz nam było lahčej, ale składanaści pa-raniejšamu isnujuć. Robiačy hety konkurs, my spaznajem ludziej, a heta samaje hałoŭnaje». Arhanizatary nie raźmieńvalisia na farmalnaści i addali mikrafon u vałodańnie viadoŭcu Alaksandru Pamidoravu. Pamidoraŭ za spravu ahučvańnia śpisu pieramožcaŭ uziaŭsia sprytna i daŭ rady vaśmi naminacyjam za paŭhadziny. Ilvinuju častku ŭznaharodaŭ atrymali dobra znajomyja biełaruskim fatohrafam i žurnalistam Andrej Lankievič, Viktar Dračoŭ i Natalla Abłažej. A voś z Hran-pry atrymaŭsia sapraŭdny siurpryz.

Canon EOS 7D, jaki adyhraŭ rolu hałoŭnaha pryza «Belarus Press Photo 2011», pajedzie ŭ Žodzina razam ź Siarhiejem Hudzilinym.

Małady fatohraf atrymaŭ Hran-pry za fota, zroblenaje padčas słužby ŭ vojsku. Miarkujučy pa reakcyi, uznaharoda stała dla jaho vialikaj niečakanaściu. «Dembiel niepaźbiežny!» — tolki i zmoh vycisnuć ź siabie Siarhiej, pazujučy z uznaharodaj pierad fotakamierami. Jano viadoma — fatohrafu rola madeli nie zusim zvyčnaja.

Pieramožnaja sieryja fotaŭ Siarhieja Hudzilina.

Siarhiej Hudzilin naradziŭsia ŭ 1987-m u Žodzinie. Jak fatohraf i jak reparcior samavuk. Jahonym univiersitetam byŭ Małady Front.

* * *

Dalej było šampanskaje i šmat radaści, jakuju ŭ hety viečar dla arhanizataraŭ nie sapsavała navat toje, što ścipłaja praz adsutnaść pamiaškańnia vystava budzie visieć na ścienach fotastudyi «Źniata» tolki adzin viečar. Fatohrafy abiacajuć nie zdavacca.

* * *

Śpis pieramožcaŭ pa naminacyjach:

Mastactva i zabavy

Adzinočnyja fota

3 N.Abłažej

2 A.Žukava

1 V.Curanaŭ

Sieryi

3 V.Bajkoŭski

2 A.Stalarova

1 S.Hryc

Pryroda

Adzinočnyja fota

3 A.Maciuškoŭ

2 A.Vasiukovič

1 N.Abłažej

Sieryi

3 V.Dračoŭ

2 A.Lankievič

1 A.Lankievič

Sport

Adzinočnyja fota

3 V.Dračoŭ

2 V.Bajkoŭski

1 U.Mikałajčyk

Sieryi

1 A.Stalaroŭ

Paŭsiadzionnaje žyćcio

Adzinočnyja fota

3 V.Dračoŭ

2 V.Bajkoŭski

1 S.Hudzilin

Sieryi

3 A.Michałkovič

2 A.Bibikaŭ

1 V.Curanaŭ

Narodnyja tradycyi

Adzinočnyja fota

3 U.Mikałajčyk

2 A.Vasiukovič

1 N.Abłažej

Sieryi

3 T.Zieńkovič

2 N.Doraš

1 A.Lankievič

Partret

Adzinočnyja fota

3 A.Lankievič

2 A.Rubčenia

1 D.Klapicki

Sieryi

2 A.Lankievič

1 S.Hudzilin

Ludzi ŭ navinach

Adzinočnyja fota

3 T.Ziankovič

2 H.Mažejka

1 V.Dračoŭ

Sieryi

3 V.Dračoŭ / U.Hrydzin

2 A.Lankievič

1 A.Vasiukovič

Naviny

Adzinočnyja fota

3 V.Fiadosienka

2 S.Hapon

1 V.Fiadosienka

Sieryi

3 A.Maciuškoŭ

2 S.Hryc

1 N.Abłažej

Naminacyja «Viartańnie»

N.Doraš za prajekt ab Hrodna «Dom 13»

Hran-pry

Siarhiej Hudzilin

Arhanizatarami konkursu sioleta vystupili:

Vadzim Zamiroŭski, Julija Daraškievič, Siarhiej Michalenka

Aleś Pilecki

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH