U budynak kinuli niekalki «kaktejlaŭ Mołatava».
Jak paviedamiła pres-słužba HUUS Minska, zdareńnie adbyłosia kala 4.40 ranicy 15 maja. Na pieršym paviersie budynka Doma pravasudździa spracavała pažarnaja sihnalizacyja.
Pravaachoŭnyja orhany na miescy zdareńnia znajšli butelku z haručaj vadkaściu i frahmienty jašče troch raźbitych butelek.
Ahniom usiaho tolki paškodžany dźviery słužbovaha ŭvachodu. Pa fakcie padpału zaviedziena kryminalnaja sprava pa č.2 art. 339 KK (chulihanstva).
Na sajcie charter97.org paviedamlajecca, što 15-16 maja zatrymali aktyvistaŭ hramadzianskaj kampanii «Jeŭrapiejskaja Biełaruś» Ułada Bierazova i Alaksandra Kudłajeva z synam. U ich na kvaterach praviali pieratrus. Viadoma, što sp. Kudłajeŭ znachodzicca ŭ RUUS Maskoŭskaha rajona Minska. Pieratrus pravodzili supracoŭniki Adździeła pa baraćbie z arhanizavanaj złačynnaściu. Alaksandr paśpieŭ paviedamić, što zatrymańnie źviazana sa sprobaj nieviadomych padpalić Dom pravasudździa.
14 maja ŭ sudździe Partyznaskaha rajona Minska (Dom pravasudździa) byŭ vyniesieny prysud Andreju Sańnikavu, kaardynataru hramadzianskaj kampanii «Jeŭrapiejskaja Biełaruś».
