Hubarevič padaŭ na Hihina i Musijenku ŭ prakuraturu

Namieśnik staršyni Ruchu «Za Svabodu» Juraś Hubarevič źviarnuŭsia ŭ Prakuraturu z prośbaj dać pravavuju acenku šerahu kamientaroŭ u efiry Pieršaha telekanała. Ich aŭtary ličać, što jość padstavy skłaści śpis nievyjaznych apazicyjanieraŭ.

U pryvatnaści, hałoŭny redaktar časopisa «Biełaruskaja dumka» Vadzim Hihin zajaviŭ, što «niekatoryja pradstaŭniki tak zvanaj apazicyi da 40 raz, a moža być i bolš, vyjazdžajuć za miažu, atrymlivajuć tam kamandzirovačnyja, atrymlivajuć hatoŭkaj hrošy na svajo ŭtrymańnie i viaduć takoje niabiednaje isnavańnie».

A Siarhiej Musijenka, dyrektar analityčnaha centra JesooM, vykazaŭ zdahadku, što «ŭ toj čas jak mnohija biełaruskija ministerstvy, viedamstvy, pradpryjemstvy nakiroŭvajuć svaje namahańni na toje, kab naładzić adnosiny ź Jeŭrapiejskim Sajuzam, zrabić imidž krainy pazityŭnym, u hetych ludziej inšaja zadača. Tamu čym mienš jany buduć byvać na Zachadzie, tym, napeŭna, budzie lepš dla imidžu krainy».

I Hihin, i Musijenka vykazalisia za toje, kab zabaranić niekatorym hramadzianam vyjezd za miažu.

U zvarocie Hubareviča ŭ prakuraturu havorycca, što «u adpaviednaści z Kanstytucyjaj Respubliki Biełaruś, kožnamu harantujecca svaboda mierkavańniaŭ, pierakanańniaŭ i ich svabodnaje vykazvańnie (art. 33). Adnak u lubym demakratyčnym hramadstvie pavinny isnavać miechanizmy, jakija praduchilajuć złoŭžyvańnie pravami ŭ situacyjach, kali realizacyja adnaho prava parušaje abo stavić pad pahrozu inšyja kanstytucyjnyja pravy hramadzian. Liču, što Hienieralnamu Prakuroru varta pryniać usie dastupnyja jamu zakanadaŭčyja miery ŭździejańnia ŭ adnosinach da hramadzian Hihina V. i Musijenki S. dla praduchileńnia raspaŭsiudžvańnia ŭ ŚMI i hramadstvie vykazvańniaŭ, jakija zaklikajuć da niezakonnaha abmiežavańnia kanstytucyjnych pravoŭ biełaruskich hramadzianaŭ».

Palityk kaža, što art. 30 Kanstytucyi harantuje hramadzianam Biełarusi prava svabodna pieramiaščacca i vybirać miesca žycharstva ŭ miežach Biełarusi, pakidać jaje i bieśpieraškodna viartacca nazad. Taksama art. 3 Zakona Respubliki Biełaruś «Ab paradku vyjezdu z Respubliki Biełaruś i ŭjezdu ŭ Respubliku Biełaruś hramadzian Respubliki Biełaruś» ustanaŭlivaje, što kožny hramadzianin maje prava vyjazdžać z Respubliki Biełaruś i nie moža być pazbaŭleny prava na vyjezd z Respubliki Biełaruś.

A art. 7 zhadanaha zakona, adznačaje Jury Hubarevič, ustanaŭlivaje zakryty pieralik padstavaŭ dla časavaha abmiežavańnia prava hramadzian na vyjezd z krainy.

Heta tyčycca tych, chto vałodaje dziaržtajamnicami, maje status padazravanaha, abvinavačanaha ci asudžanaha pa kryminalnaj spravie, uchilajecca ad vajennaj słužby, nie vykonvaje jakich-niebudź abaviazacielstvaŭ pierad dziaržavaj, a taksama daŭžnikoŭ i tych, kamu pradjaŭleny hramadzianski pazoŭ u sudzie.

«Liču, što hramadzianie Hihin V. i Musijenka S., vykazaŭšy pryviedzienyja vyšej mierkavańni ab mahčymaści abmiežavańni kanstytucyjnaha prava hramadzian Respubliki Biełaruś, u tym liku vyklikali reakcyju pres-sakratara MZS Respubliki Biełaruś Andreja Savinych, jaki 16 maja 2011 hoda ŭ efiry ANT zajaviŭ ab «mahčymaści prymianieńnia kropkavych mier (pa abmiežavańni prava na vyjezd) suprać asobnych palitykaŭ i struktur», — havorycca ŭ zvarocie namieśnika staršyni Ruchu «Za Svabodu».

Pavodle jaho słoŭ, «takija vykazvańni publičnych pierson mohuć padšturchnuć inšych dziaržaŭnych słužačych i nadzielenych uładaj ludziej da mahčymaha parušeńnia abo abmiežavańnia pravoŭ i svabod hramadzian na padstavie ich palityčnych pierakanańniaŭ abo prynaležnaści da hramadskich abjadnańniaŭ».

Jury Hubarevič prosić Prakuraturu pravieści pravierku i dać pravavuju acenku zakonnaści vykazvańniaŭ Vadzima Hihina Siarhieja Musijenki nakont taho, nie ci nie parušajuć jany č. 5 art. 16 i art. 190 Kryminalnaha kodeksa Respubliki Biełaruś.

Dla daviedki. Artykuł 190. Parušeńnie raŭnapraŭja hramadzian

Naŭmysnaje pramoje abo ŭskosnaje parušeńnie, albo abmiežavańnie pravoŭ i svabod, albo ŭstalavańnie pramych abo ŭskosnych pieravah hramadzian u zaležnaści ad połu, rasy, nacyjanalnaści, movy, pachodžańnia, majomasnaha abo słužbovaha stanovišča, miesca žycharstva, adnosin da relihii, pierakanańniaŭ, prynaležnaści da hramadskich abjadnańniaŭ, što paciahnuli istotnuju škodu pravam, svabodam i zakonnym intaresam hramadzianina, — karajucca štrafam, abo papraŭčymi pracami na termin da dvuch hadoŭ, ci abmiežavańniem voli na toj samy termin, abo pazbaŭleńniem voli na termin da dvuch hadoŭ z pazbaŭleńniem prava zajmać peŭnyja pasady abo zajmacca peŭnaj dziejnaściu abo biez pazbaŭleńnia.

• 0
• 0
• 0
• 0
• 0
• 0
• 0
• 0