Ludmile Mirzajanavaj nie dazvolili paŭtorna sustrecca z synam

Maci asudžanaha na try hady kałonii Fiodara Mirzajanava biespaśpiachova sprabavała dabicca paŭtornaha spatkańnia z synam. Siońnia z zajavaj ab sustrečy z synam Ludmiła Mirzajanava pryjechała ŭ sud Partyzanskaha rajna Minska.

— Adnu sustreču ź Fiodaram sudździa Čaćviartakova, jakaja i vyniesła prysud, mnie dazvoliła», — raskazvaje «Narodnaj Voli» Ludmiła Mirzajanava. — Adbyłosia heta praz paru dzion paśla ahałošańnia pryhavora. My razmaŭlali ź Fiodaram roŭna hadzinu. Heta była vielmi emacyjanalnaja sustreča, ja starałasia jaho padtrymać. Zaraz ža ja napisała zajavu na paŭtornuju sustreču. Pa adukacyi ja psichołah, tamu padrychtavała dla syna adpaviednyja materyjały, kab jamu było lahčej adaptavacca ŭ tych umovach u jakich jon budzie znachodzicca bližejšy čas. Zajavu ab sustrečy z synam ja chacieła addać sudździ Čaćviartakovaj. Ale taja była na naradzie. Jaje sakratarka paviedamiła mnie, što pytańnie ab dazvole sustrečy z synam u adsutnaść Čaćviartakovaj budzie vyrašać dziažurny sudździa — Alaksandr Kučyk. Jon ździviŭsia, maŭlaŭ, «ja ž nie vaš sudździa», tamu pytańnie nie ŭ jaho kampietencyi.

Ale supakoiŭ, skazaŭšy, što prablem nakont sustrečy z synam być niepavinna.

Mianie paprasili pačakać. Prykładna praz paŭhadziny zahadali iści ŭ pryjomnuju staršyni suda. Za hety čas mima mianie niekalki razoŭ prachodziła sakratarka sudździ Čaćviartakovaj. Nul uvahi. Jašče praz paŭhadziny vyśvietliłasia, što maja zajava ŭsio ž-taki trapiła na stoł da Čaćviartakovaj. Ja iznoŭ pryjšła da jaje ŭ kabiniet. Pryčym na majo pytańnie da sakratarki ab tym, čamu bačyŭšy mianie ŭ pryjomnaj staršyni suda jana nie paviedamiła mnie, što zajava znachodzicca ŭ sudździ, taja spakojna adkazała: «Ja dumała, što vy tam pa inšym pytańni…" Heta sapraŭdny ździek nad čałaviekam. Takoje adčuvańnie, što sudovaja sistema pracuje tak, kab naŭmysna prynieści čałavieku bol… U vyniku, siońnia maju zajavu pa sutnaci nichto razhladać nie staŭ, skazali tolki, što mnie pryjdzie piśmovy adkaz….

Faktyčnuju admovu u sustrečy z synam ja źbirajusia abskardzić u Minskim haradskim sudzie.»

• 0
• 0
• 0
• 0
• 0