Niemcy chočuć viarnuć adabranuju za kamunistami majomaść u Polščy
Niamieckaja hramadzkaja arhanizacyja «Pruskaje pradstaŭnictva» ŭniesła ŭ Eŭrapiejski trybunał pravoŭ čałavieka ŭ Strasburzie 22 pazovy ab viartańni vyhnanym z Polščy paśla II usiaśvietnaj vajny niemcam pakinutaj imi majomaści.
Niamieckaja hramadzkaja arhanizacyja «Pruskaje pradstaŭnictva» ŭniesła ŭ Eŭrapiejski trybunał pravoŭ čałavieka ŭ Strasburzie 22 pazovy ab viartańni vyhnanym z Polščy paśla II usiaśvietnaj vajny niemcam pakinutaj imi majomaści. Hutarka idzie pra nieruchomaści na poŭnačy krainy: na Varmii j Mazurach, dy ŭ Silezii. Paciarpiełyja ŭ paślavajenny čas patrabujuć ad polskich uładaŭ kampensacyjaŭ albo viartańnia majomaści.
Jan Venhžyn ź Viedamstva pa spravach repatryjantaŭ dy inšaziemcaŭ skazaŭ Polsakmu Radyjo, što ludzi, jakim u minułym dazvolili emihravać u Niamieččynu, nazaŭsiody stracili polskaje hramadzianstva. Jon patłumačyŭ, što ŭ kamunistyčnyja časy možna było pazbavić hramadzianina pašpartu, nie paviedamlajučy jamu ab hetym. Jan Venhžyn zaznačaje, što ŭ krainie niekalki hadoŭ praciahvajecca dyskusija pa hetym pytańni, a rašeńni administracyjnych sudoŭ nieadnarodnyja:
Kamunistyčnyja ŭłady paličyli, što sprava pazbaŭleńnia hramadzianstva j nieruchomaści vyrašana nazaŭsiody, i časta tahačasnyja čynoŭniki nie vykonvali poŭnaściu abaviazkaŭ i nie vyklučali z dakumentaŭ proźvišča byłoha ŭłaśnika.
Zdarałasia, što ludzi, ničoha nie padazravajučy, nabyvali ad dziaržavy nieruchomaść, a siońnia jany daviedvajucca, što jość inšy ŭłaśnik, u jakoha jość ŭvieś čas dziejny akt ułasnaści.
U paniadziełak stała viadoma, što niamiecki ŭrad nie padtrymvaje ani pretenzijaŭ, ani patrabavańnia kampensacyjaŭ z boku «Pruskaha pradstaŭnictva». I takoj budzie aficyjnaja pazycyja Niamieččyny pierad miascovymi j mižnarodnymi sudami, u tym liku taksama pierad Trybunałam u Strasburzie - zajaviŭ pres‑sakratar niamieckaha ŭradu Tomas Šteh. Jon padkreśliŭ, što da hetaj pary ŭsie ŭrady Niamieččyny zajmali paśladoŭnuju pazycyju pa hetym pytańni, jakuju, darečy, padčas svajho vizytu ŭ Polšču ŭ 2005 hodzie pradstaviła kancler Anhieła Merkel.
-
«Jon u žachlivym stanie». Adam Kadyraŭ trapiŭ u avaryju niedaloka ad Doma ŭračystaściej u Pucinskim rajonie
-
Daradca Trampa: Terytoryju Hrenłandyi moža kantralavać tolki toj, chto zdolny jaje abaranić, a Danija zanadta słabaja dla hetaha
-
Syn iranskaha šacha Reza Piechlevi zaklikaje da dalejšych pratestaŭ
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary