Vizyt Łukašenki da Nazarbajeva ŭ Kazachstan moža akazacca nie zusim zvyčajnym.
Postsavieckaje siabroŭstva: hrošy i idei
Kazachstan uvachodzić u lik važnych handlovych partnioraŭ Biełarusi. Abiedźvie krainy abjadnanyja savieckaj kulturnaj i technałahičnaj spadčynaj dy majuć dobraje ŭjaŭleńnie adna pra druhuju. Dvuchbakovaje ŭzajemadziejańnie dapaŭniajecca ŭzajemadziejańniem u ramkach roznych postsavieckich abjadnańniaŭ. Praŭda, apošnim časam pakaźniki efiektyŭnaści stasunkaŭ ź biełaruskaha hledzišča pahoršylisia. Letaś abjom tavaraabarotu dasiahnuŭ 867 młn dalaraŭ — amal udvaja bolš čym ź Litvoj! Razam z tym bolš čym utraja skaraciłasia stanoŭčaje salda. To bok kazachski impart u Biełaruś vyras šmat macniej, čym biełaruski ekspart. Biełaruski rynak mienšy za kazachski i pavialičyć tut prodažy kazacham abjektyŭna ciažej, čym biełarusam u Kazachstanie. Pa inviestycyjach sprava vyhladaje jašče bolš adnaznačna — za 2010 h. pryciahnuta z Kazachstana 1 młn dalaraŭ pramych inviestycyj, tady jak Biełaruś ukłała ŭ Kazachstan 41,8 młn.
Sprava nie tolki ŭ hrašach.
Palityčna Kazachstan — adzin z samych blizkich biełaruskamu režymu, a kazachskaja madel jaŭna padabajecca Łukašenku.
Nazarbajeva sapraŭdy ŭžo daŭno pakinuli ŭ spakoi, a zachodniaja krytyka na jaho adras abmiažoŭvajecca artykułami ŭ ŚMI i akademičnymi dyskusijami. Jon damohsia navat staršynstva ŭ 2010 h. u ABSE. Pry hetym u siabie na radzimie jon prysvoiŭ tytuł jełbasy — «pravadyra nacyi». Nazarbajeŭski Kazachstan i łukašenkaŭskaja Biełaruś -- adnatypnyja režymy, tolki pieršamu pašancavała apynucca hieahrafična dalej ad Jeŭropy, tady jak druhi akazaŭsia bialmom na jaje vačach. Tamu
maraj Łukašenki jakraz i było b stać «jeŭrapiejskim Nazarbajevym».
Niekali ŭźbiekski prezident Karymaŭ razam z Nazarbajevym kpili ź biełaruskaha kiraŭnika na postsavieckich samitach za jahony «kamunizm» i «savieckaść», ale paźniej adnosiny pamiž Łukašenkam i Nazarbajevym naładzilisia. Śviedčańniem tamu jość i takija drobnyja pasłuhi z boku biełaruskaha lidara, jak pryniaćcie ŭ Minsku zrynutaha kyrhyzskaha prezidenta Bakijeva, dziakujučy čamu kazachski kiraŭnik vyrašyŭ vostruju dla siabie prablemu letaś.
Pošuki paratunku ad Maskvy?
Kazachskaja ekanomika ŭmacavałasia paśla raspadu SSSR, staŭšy pobač z Rasijaj pryciahalnym miescam dla pošuku pracy dla ŭsioj Siaredniaj Azii. Kraina sprabuje aktyŭna pracavać, nie tolki ŭ rehijonie, ale i
Adna z važniejšych zadačaŭ vonkavaj palityki Biełarusi, jak siaredniaj pa pamierach jeŭrapiejskaj krainy, palahaje ŭ tym, kab kampiensoŭvać dysbałans u adnosinach z našmat bolšymi za jaje pa svaich paramietrach i mahutnaści dziaržavach, pierš za ŭsio z Rasijaj. Zvyčajnaj stratehijaj dla takoha vyraŭnovańnia vahi źjaŭlajecca,pa-pieršaje , apora mienšych dziaržaŭ na praŭnyja ramki, apielacyja da mižnarodnaha prava. To bok, kali nielha pieramahčy hihanta, treba abłytać jaho jurydyčnymi normami.
Druhim kampanientam takoj stratehii źjaŭlajecca «internacyjanalizacyja» pytańniaŭ dvuchbakovych adnosinaŭ z dyspraparcyjna bolšymi krainami. Naprykład, vykarystańnie ŭ adnosinach ź vialikimi dziaržavami strukturaŭ mižnarodnych arhanizacyj, abo sajuzaŭ ź inšymi dziaržavami.
Biełaruś, apynuŭšysia zaraz faktyčna ŭ rukach Kramla, sprabuje źviazać jamu ruki praz manieŭry na postsavieckaj prastory. Viadoma, praz SND tut zrobiš niašmat, ale voś praz hulniu ŭ pary z Kazachstanam dy vykarystańnie farmalnych ramak Adzinaj ekanamičnaj prastory, Mytnaha źviazu dy ADKB Łukašenka jakraz moža spadziavacca na peŭnuju palohku. Niekali raniej jon vyraŭnoŭvaŭ hety dysbałans zdrabniajučy rasijskuju dziaržaŭnuju moc praź sieparatnyja pieramovy z rasijskimi rehijanalnymi kiraŭnikami, i damohsia ŭ tym časovaha, ale zaŭvažnaha pośpiechu.
Ciapierašniaja hulnia vyhladaje kudy bolš składanaj, bo nadta ž adroźnivajucca intaresy zasnavanaj na prodažy syraviny kazachskaj ekanomiki i biełaruskaj industryjalizavanaj haspadarki.
U lubym razie
mienavita pytańni zastupnictva Nazarbajeva pierad Maskvoj dypadčas hetaha vizitu, vietliva prykrytyja biaskryŭdnymi pytańniamibiełaruska-kazachskaje ŭzajemadziejańnie i buduć hrać važniejšuju rolu na pieramovach u Astanie
Pytańnie kredytavańnia — samaje aktualnaje dla biełaruskaha kiraŭnictva. Praŭda, niahledziačy na niesumniennuju zamožnaść Kazachstana, značna dapamahčy hrašami Minsku jon nie daść rady. Prablema Biełarusi zaraz moža być vyrašana tolki ličanymi bujnymi dziaržavami (Rasijaj ci ES) i mižnarodnymi arhanizacyjami (jak to MVF).
Kazachstan u ich lik nie ŭvachodzić — maštab nie toj.
Zrešty, Nazarbajeŭ moža prydacca i dla hetych metaŭ. Jak niekali Juščanka i Saakašvili sprabavali dapamahčy Łukašenku naviazać kantakty z Zachadam, tak ciapier pra heta jość sens prasić i Nazarbajeva, jaki zdoleŭ damovicca z Zachadam, niahledziačy na vidavočna bolšuju represiŭnaść jaho režymu.
Koła zamiežnapalityčnych i ekanamičnych suviaziaŭ Biełarusi nie tolki zastajecca adnosna nievialikim, ale i praciahvaje zvužacca.Tamu sproby manieŭravać mohuć dać tolki ścipły plon, bo fihuraŭ na šachmatnaj došcy ŭ hulni, jakuju viadzie biełaruskaje kiraŭnictva, zastałosia niašmat. Bolš za toje, sam biełaruski kiraŭnik taksama ryzykuje stać praź niejki čas užo nie hulcom, a fihuraj u rasijskaj hulni.
