Pasoł Rasii zapeŭnivaje, što rasijski biznes zacikaŭleny va ŭdziele ŭ pryvatyzacyi biełaruskich pradpryjemstvaŭ u adpaviednaści ź mižnarodnymi normami.
Pasoł Rasii ŭ Minsku Alaksandr Surykaŭ zapeŭnivaje, što rasijski biznes zacikaŭleny va ŭdziele ŭ pryvatyzacyi biełaruskich pradpryjemstvaŭ u adpaviednaści ź mižnarodnymi normami.
«Ničoha bandyckaha i pačvarnaha nichto nie zadumvaje, kali jość žadańnie biełaruskaha boku», — zajaviŭ žurnalistam Surykaŭ.
Jon taksama paviedamiŭ, što rašeńnie ab vydzialeńni Biełarusi kredytu z Antykryzisnaha fondu JeŭrAzES budzie pryniataje bližejšym časam:
«Rada Antykryzisnaha fondu JeŭrAzES 4 červienia ŭ Kijevie budzie prymać rašeńnie ab kankretnaj vydačy kredytu, tady budzie padpisana kredytnaja damova. Ja dumaju, što heta ŭžo sprava blizkaj budučyni», — skazaŭ A. Surykaŭ žurnalistam u aŭtorak u Minsku.
Pavodle Interfaksu, mahčymy kredyt Biełarusi z boku JeŭrAzES składzie 1,2 młrd dalaraŭ, pieršaja tranša — 800 młn, ź ich 75% — ad Rasii. Pra heta ahienctvu zajaviŭ pieršy namieśnik ministra zamiežnych spraŭ Rasii Andrej Dzianisaŭ. Raniej havorka išła pra 3 miljardy dalaraŭ kredytu.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary