Žycharka Viciebska była pryciahnutaja da administracyjnaj adkaznaści za nielehalny handal, jakim nikoli nie zajmałasia, z padačy svajoj byłoj adnakłaśnicy.Adnavić spraviadlivaść dapamahło ŭmiašańnie staršyni Vyšejšaha haspadarčaha suda Biełarusi i Hienieralnaj prakuratury, paviedamili karespandentu BIEŁTA ŭ haspadarčym sudzie Viciebskaj vobłaści.
U pačatku 2010 hoda žančyna sa ździŭleńniem daviedałasia, što jana abvinavačanaja ŭ ažyćciaŭleńni pradprymalnickaj dziejnaści bieź dziaržaŭnaj rehistracyi. Haspadarčy sud vobłaści, razhledzieŭšy materyjały adnoj z rajonnych padatkovych inśpiekcyj Viciebska, pryciahnuŭ jaje da administracyjnaj adkaznaści ŭ vyhladzie štrafu ŭ pamiery 10 bazavych vieličyń biez kanfiskacyi dachodu, jaki, zrešty, nie byŭ vyśvietleny. Užo paźniej, kali viciablanka źviarnułasia ŭ orhany prakuratury, udałosia vyśvietlić, što jaje sumlennym imiem skarystałasia byłaja adnakłaśnica.
Kali jana trapiła ŭ pole zroku padatkovych orhanaŭ, to pradstaviłasia nie svaim imiem, a byłoj adnakłaśnicy, padpisała akt pravierki ad jaje imia i dała numar jaje pašparta, i pry hetym nichto z praviaralnikaŭ nie zapatrabavaŭ pakazać dakumient. Akramia taho, nielehalnaja handlarka ŭkazała ŭ pratakole ab administracyjnym pravaparušeńni prośbu razhledzieć spravu ŭ jaje adsutnaść.Jak vyjaviłasia, byłaja adnakłaśnica zajmałasia roźničnym handlem biez aficyjnaj rehistracyi pradprymalnickaj dziejnaści.
Pastanovaj staršyni Vyšejšaha haspadarčaha suda Biełarusi Viktara Kamiankova było skasavanaje rašeńnie haspadarčych sudoŭ Viciebskaj vobłaści ŭ dačynieńni da nievinavataj viciablanki, a sprava ab administracyjnym pravaparušeńni spynienaja.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary