Dalejšaje paharšeńnie ekanamičnaha raźvićcia ŭ Biełarusi moža pryvieści da abiasceńvańnia šerahu aktyvaŭ Hrupy Śbierbanka Rasii. Pra heta havorycca ŭ spravazdačy rasijskaha banka ŭ adpaviednaści ź Mižnarodnymi standartami finansavaj spravazdačnaści.
«Pačynajučy z sakavika 2011 hoda ŭ Biełarusi nazirajecca paharšeńnie makraekanamičnaj situacyi, jakoje praciahvajecca ŭ druhim kvartale 2011 hoda i supravadžajecca značnym abiasceńvańniem nacyjanalnaj valuty, vysokaj inflacyjaj, vialikim admoŭnym salda handlovaha bałansu. Pavieličeńnie kolkaści apieracyj źniaćcia hrošaj z bankaŭskich rachunkaŭ sadziejničaje ŭźniknieńniu deficytu likvidnaści ŭ bankaŭskim siektary», — kanstatujuć analityki Śbierbanka.
Kiraŭnictva Hrupy Śbierbanka ažyćciaŭlaje pastajanny manitorynh raźvićcia situacyi.
«Dalejšaje paharšeńnie ekanamičnaha raźvićcia ŭ Biełarusi moža pryvieści da abiasceńvańnia šerahu aktyvaŭ Hrupy. Na datu vypusku hetaj skaročanaj pramiežkavaj kansalidavanaj finansavaj spravazdačnaści dakładna acanić zhadany ŭpłyŭ na finansavyja vyniki Hrupy nie ŭjaŭlajecca mahčymym», — miarkujuć analityki Śbierbanka.
Śbierbanku RF naležać 97,91% akcyj biełaruskaha
U 2010–2011 hadach Śbierbank vystupaŭ adnym ź viadučych arhanizataraŭ raźmiaščeńnia dziaržablihacyj Biełarusi na rasijskim rynku, a taksama biełaruskich jeŭraablihacyj.
Jak paviedamlałasia raniej, Śbierbank Rasii da 2014 hoda mieŭ namier vydzielić Biełarusi kredytnyja resursy na 2 młrd. dołaraŭ i ŭnieści da 350 młn. dołaraŭ u statutny fond nabytaha im biełaruskaha AAT
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary