Švied: Padazravanyja ŭ terakcie ździejśnili 14 złačynstvaŭ za 11 hadoŭ
Paviedamiŭ 31 maja namieśnik hienprakurora Andrej Švied.
Ustanoŭlena dačynieńnie abvinavačanych u terakcie ŭ minskim mietro da 14 złačynstvaŭ z 2000 pa 2011 hod. Pra heta, jak pieradaje dziaržaŭnaje ahienctva BiełTA, paviedamiŭ 31 maja namieśnik hienprakurora Andrej Švied.
Złačynstvy byli ździejśnienyja ŭ adnym ź mikrarajonaŭ Viciebska ŭ asnoŭnym z užyvańniem samarobnych vybuchovych pryładaŭ. Śledstva źbiraje nieabchodnyja dokazy dla zaviaršeńnia rasśledavańnia hetych faktaŭ i dla pradjaŭleńnia abvinavačvańnia va ŭčynieńni złačynstvaŭ.
Pavodle Švieda, ustanaŭlivajucca pryčyny i ŭmovy, jakija dazvolili abvinavačvanym taki doŭhi čas ździajśniać złačynstvy. Namieśnik hienprakurora zajaviŭ, što heta adbyłosia pry papuščalnictvie słužbovych asob pravaachoŭnych orhanaŭ, biaździejnaści miascovych uładaŭ, słužbaŭ ŽKH, achovy zdaroŭja, adukacyi, pry poŭnaj abyjakavaści susiedziaŭ, blizkich, adnakłaśnikaŭ, adnahrupnikaŭ, jakija viedali ab tym, što abvinavačvanyja majuć schilnaść da vyrabu samarobnych vybuchovych pryładaŭ, vybuchaŭ i padpałaŭ. «Nichto pra heta naležnym čynam dziaržaŭnyja orhany abo nie infarmavaŭ, albo dziaržorhany nie prymali naležnych mier da taho, kab spynić ich złačynnuju dziejnaść», — kanstatavaŭ Švied.
***
Nahadajem, jak paviedamiŭ Andrej Švied žurnalistam 29 krasavika, pa fakcie vybuchu ŭ minskim mietro abvinavačvańnie ŭ teraryźmie (č. 3 art. 289 KK) pradjaŭlena dvum hramadzianam Biełarusi. Adnamu ź ich taksama pradjaŭlenaje abvinavačvańnie ŭ ździajśnieńni teraktaŭ 14 i 22 vieraśnia 2005 hoda ŭ Viciebsku i ŭ noč z 3 na 4 lipienia 2008 hoda ŭ Minsku.
Andrej Švied zajaviŭ, što ŭ 2009 hodzie ŭ pravaachoŭnych orhanaŭ užo miełasia mahčymaść vykryć złačyncu, jaki ździejśniŭ terarystyčny akt u 2008 hodzie ŭ Minsku. Adnak
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary