Na praciahu minułaha miesiaca pad Baranavičami adbyłasia piać avaryj, pryčynaj jakich stała raptoŭnaje źjaŭleńnie na darozie łasia.
Na praciahu minułaha miesiaca pad Baranavičami adbyłasia piać avaryj, pryčynaj jakich stała raptoŭnaje źjaŭleńnie na darozie łasia.
Usie sutyknieńni byli zafiksavanyja na trasie Brest—Minsk—miaža RF. Pieršaja sustreča žyvioliny z transpartnym srodkam adbyłasia 6 maja ŭ rajonie Kaźlakievickaj raźviazki. «Łoś raptoŭna vybieh na prajeznuju častku, i kiroŭca “džypa”, jaki jechaŭ u bok Minska, nie paśpieŭ zreahavać», — raspavioŭ staršy dziaržaŭtainśpiektar ADAI Baranavickaha RAUS Alaksandr Jaŭciuchin. Žyvioła zahinuła.
11 maja fura, jakaja taksama ruchałasia ŭ bok stalicy, źbiła łasia niepadalok ad v. Volna. 14 maja žyviolina apynułasia pad kołami aŭtamabila «Suzuki Hrand Vitara».
A 19 maja na trasie adbylisia adrazu dva DTZ z udziełam hetych dzikich žyvioł. U adnym vypadku łoś zastaŭsia žyvy i ŭciok u les.
Pa słovach Alaksandra Jaŭciuchina, na hetym adrezku trasy niama admysłovych znakaŭ, jakija b papieradžvali ab mahčymym źjaŭleńni dzikich žyvioł na darozie, dy i takich masavych «vyłazak» łasioŭ na darohu raniej nie nazirałasia.
«Tym nie mienš, prajazdžajučy mima lasnoha masiva, kiroŭcy pavinny być hatovyja da taho, što na darozie mohuć źjavicca lasnyja žychary», — adznačyŭ jon.
Kamientary