Zvolnieny načalnik Minskaha mietrapalitena — za niezamknionyja dźviery ŭ mietro
Heta vynik praniknieńnia ŭ mietro troch pjanych visusaŭ, jakija vystavili videa svaich pryhod u Ju-Tubie.
Zahadam hienieralnaha dyrektara dziaržaŭnaha pradpryjemstva «Minsktrans» zvolnieny načalnik Minskaha mietrapalitena Mikałaj Andrejeŭ.
U noč na 29 maja na stancyju «Maskoŭskaja» pieršaj linii praź niezačynienyja dźviery zajšli troje maładych ludziej. Maładyja ludzi źniali na videa viestybiul i pieron stancyi, hadzińnik, na jakim ukazany čas — 3.49. Ni milicyi, ni rabotnikaŭ mietrapalitena nidzie nie nazirałasia. Videa było raźmieščana ŭ internecie (jaho, a taksama intervju z aŭtaram Antonam Pijevym možna pahladzieć u
31 maja na naradzie ab chodzie rasśledavańnia vybuchu na stancyi «Kastryčnickaja» 11 krasavika Alaksandr Łukašenka zajaviŭ: «Adzin niejki Anton z chłopcami pranikli nočču ŭ mietrapaliten i zdymali heta ŭsio na videa, vykłali heta ŭ internet: hladzicie — voś jak pracuje naša milicyja i ŭsie inšyja na čale z Malcavym, jak jany zabiaśpiečvajuć vykanańnie daručeńniaŭ prezidenta. Kali hetyja fakty paćvierdziacca, zaŭtra biez pahon zastaniaciesia».
Mikałaj Andrejeŭ naradziŭsia 19 śniežnia 1950 hoda ŭ Minsku. Adukacyja vyšejšaja. U 1977 hodzie skončyŭ Biełaruski instytut inžynieraŭ čyhunačnaha transpartu pa śpiecyjalnaści. Z 1994 pa 1999 hady — pieršy namieśnik načalnika — hałoŭny inžynier Minskaha mietrapalitena. Z 17 červienia 1999 hoda — načalnik mietrapalitena.
Treba adznačyć, što apošnim časam kantrol pasažyraŭ na ŭvachodzie ŭ mietro asłabieŭ, adnak z 31 maja pasažyraŭ znoŭ stali pilna praviarać.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary