Čym žyvie kraina ŭ čakańni kredytu MVF: «značeńnie ideałahičnaha składnika ŭ pracy pradpryjemstvaŭ uzrastaje»
Takoje mierkavańnie vykazaŭ učora na vyjaznoj naradzie ideałahičnych rabotnikaŭ Minskaj vobłaści Alaksandr Radźkoŭ.
Ideałahičny składnik u pracy pradpryjemstvaŭ nabyvaje ŭsio bolšaje značeńnie. Takoje mierkavańnie vykazaŭ učora na vyjaznoj naradzie ideałahičnych rabotnikaŭ Minskaj vobłaści pieršy namieśnik kiraŭnika administracyi prezidenta Alaksandr Radźkoŭ, pieradaje BIEŁTA.
Čaściakom za vytvorčymi pakazčykami nie zaŭvažajecca hałoŭnaje — čałaviek, jaho intaresy i asobasnyja charaktarystyki. Treba bolš pracavać ź ludźmi, abmiarkoŭvać ź imi chvalujučyja prablemy, pierśpiektyvy. «Dajšoŭšy da kožnaha, pracujcie z kožnym, vysłuchajcie, ludziam treba žyvyja znosiny», — źviarnuŭsia Alaksandr Radźkoŭ da ideałahičnaha aktyvu Minskaj vobłaści.
Na jaho dumku, kali bolš aktyŭna pravodzić hetuju pracu, šmatlikich prablem možna paźbiehnuć.
Pakul ideałahičnyja pracaŭniki nie navučylisia pracavać na papiaredžańnie, prykład čamu — niadaŭniaja trahiedyja ŭ minskim mietro.
U sučasnych umovach patrebnyja novyja mietady, kompleksnyja padychody, indyvidualnaja rabota z čałaviekam. Hałoŭny pryncyp: ideołah tady paśpiachovy, kali jon pierakanaŭčy. Vynik ideałahičnaj raboty na pieršy pohlad nie bačny, jon nie vyličvajecca vałavymi pakazčykami. Ad hetaha zaležać biaśpieka ludziej, sacyjalnaja stabilnaść. Tut nie pavinna być raźliku.
Asobna spyniŭsia Alaksandr Radźkoŭ na zachavańni pracoŭnaj dyscypliny, zakranalisia pytańni raźvićcia hramadzianskaj supolnaści, supracoŭnictva ŭłady z hramadskimi arhanizacyjami, hramadzianami.
Pamočnik prezidenta, hałoŭny inśpiektar pa Minskaj vobłaści Mikałaj Ivančanka
padkreśliŭ važnaść asabistych jakaściaŭ ideołaha (jon pavinien «hareć» tymi idejami, jakija niasie ŭ hramadstva), navučańnia ideałahičnych rabotnikaŭ, vyvučeńnia zamiežnaha dośviedu.
Siońnia ŭdzielniki narady, a heta pradstaŭniki administracyi prezidenta, kiraŭniki strukturnych padraździaleńniaŭ abłvykankama, namieśniki staršyniaŭ rajharvykankamaŭ pa pytańniach sacyjalnaj śfiery i ideałahičnaj rabocie, načalniki adździełaŭ ideałahičnaj raboty rajharvykankamaŭ naviedali niekalki pradpryjemstvaŭ rajona, sacyjalnych abjektaŭ, na bazie jakich paznajomilisia z arhanizacyjaj ideałahičnaj pracy, abmierkavali aktualnyja pytańni raźvićcia ideałahičnych słužbaŭ.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje23
Kamientary