“Pasłany Boham” (Inšy / Godsend)
ZŠA – Kanada, 2004, kalarovy, 102 chv.
Režyser: Nik Chem
Roli vykonvajuć: Hreh Kiner, Rebeka Romin, Robert De Nira, Kemeran Brajt, Mervin Mondeser, Sava Drejtan, Džejk Sajmanz.
Žanr: Mistyčny trymcieńnik
Adznaka: 5 (z 10)
Adam, vaśmihadovy syn Džesiki i Poła zahinuŭ u dzień naradžeńnia. Doktar Ryčard (Robert De Nira) prapanuje maci ...kłanavać syna. U vyniku źjaŭlajecca zdarovy j ščaślivy novy Adam. Ale, praz vosiem hadoŭ chłopčyk pačynaje pakutvać na kašmary. Jon – inšy!
Kłanavańnie, narešcie, stałasia realnaściu. Ale hulnia z dvajnikami – stałaja zabava trymciennaha žanru. Dzieci, apantanyja złymi siłami – taksama nie źjaŭlajucca navinoju dla strašnaha kino.
Režyser Nik Chem – dobra prajaviŭ siabie na trymcieńniku “Jama”, ale henaja stužka nie źjaŭlajecca aŭtarskaj vynachodkaj. Najbujniejšaha aktora Roberta De Nira pradstaŭlać nia treba, ale nie zusim zrazumieła, što jon robić na hetaj karcinie.
