Da 27 červienia Biełaruś maje zapłacić druhi tranš zapazyčanaści.
Rasijskaja enierhietyčnaja kampanija «Inter RAT AES» z 22 červienia źbirałasia časova spynić pastaŭki elektraenierhii ŭ Biełaruś
Druhi tranš pavinien byŭ pastupić 20 červienia.
«Hetaje spynieńnie pastavak zafiksavana kantraktam i dadatkovymi pahadnieńniami da jaho.
Kamiercyjnaja kampanija nie moža pastaŭlać elektraenierhiju ŭ doŭh»,— skazaŭ surazmoŭca ahienctva.
Adnak paźniej «Inter RAT AES» i "Biełenierha" zdoleli damovicca pra čarhovuju adterminoŭku płaciaža, paviedamiŭ "Interfaksu" pradstaŭnik rasijskaj kampanii.
Pavodle jaho słovaŭ,
adterminoŭka dadzienaja da paniadziełka, i da taho času enierhapastaŭki spyniacca nie buduć.
Nahadajem, 9 červienia «Inter RAT AES» udvaja skaraciła ekspart elektraenierhii ŭ Biełaruś. Pryčynaj stała vialikaja zapazyčanaść biełaruskaha boku za atrymanuju z Rasii elektraenierhiju. Pamier hetaj zapazyčanaści skłaŭ kala 1,5 młrd rasijskich rubloŭ.
Paśla hetaha Biełaruś dla abmierkavańnia z «Inter RAT AES» hrafika płaciažoŭ pa daŭhach za rasijskuju elektraenierhiju nakiravała ŭ Maskvu delehacyju na čale z hienieralnym dyrektaram «Biełenierha» Alaksiejem Šyrmam.
U Minenierha Biełarusi nahadali, što bakam udałosia ŭzhadnić i padpisać hrafik płaciažoŭ, zhodna ź jakim Minsk ŭziaŭ abaviazacielstvy pahasić zapazyčanaść za rasiejskuju elektraenierhiju da 5 lipienia. Taksama była dasiahnuta damoŭlenaść ab tym, što «Inter RAT JEES» adnović pastaŭki elektraenierhii ŭ Biełarusi apoŭnačy 13 červienia. Takim čynam, 13 červienia «Inter RAT AES» u poŭnym abjomie adnaviła pastaŭki elektraenierhii ŭ Biełaruś.