Pasoł Biełarusi ŭ Šviecyi vyklikany ŭ MZS hetaj krainy
Pasoł Biełarusi ŭ Šviecyi Andrej Hrynkievič 23 červienia vyklikany ŭ Ministerstva zamiežnych spraŭ hetaj krainy.
Jak paviedamlaje sajt MZS Šviecyi, pasoł vyklikany ŭ suviazi ź incydentam sa šviedskim dypłamatam, jakoha pravaachoŭnyja orhany Biełarusi sprabavali zatrymać u Minsku viečaram 22 červienia padčas akcyi maŭklivaha pratestu.
U pasolstvie Biełarusi ŭ Stakholmie paćvierdzili fakt zaprašeńnia Hrynkieviča ŭ šviedski MZS, ale ŭdakładnili, što sustreča pakul nie adbyłasia.
U pasolstvie Šviecyi ŭ Minsku incydent sa svaim supracoŭnikam nie kamientujuć. Pavodle danych šviedskaj haziety Aftonbladet, supracoŭniki biełaruskich pravaachoŭnych orhanaŭ sprabavali zatrymać druhoha sakratara pasolstva Šviecyi Devida Emtestama. Fatahrafija, na jakoj bačnaja sproba zatrymańnia dypłamata, užo ablacieła ŭvieś śviet. Emtestama adpuścili paśla taho, jak jon pradjaviŭ svaje dakumienty.
Devid Emtestam ciapier faktyčna kiruje pasolstvam Šviecyi ŭ Minsku, bo pasoł Stefan Eryksan znachodzicca ŭ adpačynku.
Kamientary