29 červienia, a 17-j hadzinie ŭ Nacyjanalnym histaryčnym muziei Respubliki Biełaruś adbudziecca adkryćcio dakumientalnaj vystavy i prezientacyja knihi Jacka Paŭłoviča «Rotmistr Vitold Pilecki. 1901 — 1948». Impreza arhanizavanaja Polskim Instytutam u Minsku.
Vitold Pilecki naležaŭ da šlachieckaha rodu hierba Laliva, małoj radzimaj jakoha była Navahrudčyna. Za ŭdzieł dzieda Vitolda Pileckaha ŭ paŭstańni 1863 h. carskija ŭłady kanfiskavali amal usie ziemli, jakija naležali siamji. Pileckija byli vymušanyja źjechać uhłyb Rasii, u Kareliju. Ale dalejšy los Pileckaha byŭ ciesna źviazany z rodnym krajem: vučyŭsia ŭ Vilni ŭ kamiercyjnaj vučelni, peŭny čas žyŭ na Lidčynie, u 1920 hodzie ŭdzielničaŭ u bajavych dziejańniach na terytoryi Biełarusi.
U žniŭni 1939 h. jon byŭ paŭtorna mabilizavany. Zmahaŭsia suprać niemcaŭ u vieraśni 1939 hoda, paśla čaho staŭ adnym sa stvaralnikaŭ padpolnaj arhanizacyi «Sakretnaja Polskaja Armija».
U vieraśni 1940 h., padčas vuličnaj abłavy niemcaŭ, jon dobraachvotna zdaŭsia ŭ pałon z metaj apynucca ŭ łahiery Aśviencym, dzie im było arhanizavanaje polskaje padpolle.
U kancy 1943 hoda Pileckamu ŭdałosia uciačy z łahiera z dvuma paplečnikami. Potym praciah vajny, kanśpiracyja, Armija Krajova, Varšaŭskaje paŭstańnie, raźviedka, aryšt, śledstva, rasstreł…
Vitold Pilecki — postać lehiendarnaja. Jon byŭ pradstaŭnikom pakaleńnia, jakoje maryła pra svabodu i niezaležnaść rodnaj ziamli, mužna zmahałasia i addavała svajo žyćcio za radzimu, pakaleńnia, vychavanaha na tradycyjach narodnych paŭstańniaŭ XIX st., sfarmavanaha pad zaklikam «Boh — Honar — Baćkaŭščyna».
U imprezie voźmuć udzieł nadzvyčajny i paŭnamocny pasoł Respubliki Polšča ŭ Respublicy Biełaruś Lešak Šarepka, a taksama pradstaŭniki Instytuta nacyjanalnaj pamiaci Jacak Paŭłovič i Vojciech Mušynski.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)