Tolki ŭ valucie. Z 1 lipienia «Pryjorbank» spyniaje pryjom płaciažoŭ u rublach za valutnyja kredyty
Z 1 lipienia 2011 hoda pahašeńnie abaviazacielstvaŭ pa kredytach, vydadzienych u zamiežnaj valucie, budzie prymacca «Pryjorbankam» tolki ŭ zamiežnaj valucie. Adpaviednaje paviedamleńnie raźmieščana na sajcie banka.
«Razumiejučy mahčymyja ciažkaści, źviazanyja z hetym rašeńniem, bank raspracavaŭ šerah prahram restrukturyzacyi i refinansavańnia kredytnaj zapazyčanaści ŭ zamiežnaj valucie. Pry dapamozie hetych prahram Vy zmožacie pieravieści svaju kredytnuju zapazyčanaść u zamiežnaj valucie ŭ biełaruskija rubli i nadalej ažyćciaŭlać pahašeńnie kredytaŭ biełaruskimi rublami», — havorycca ŭ paviedamleńni.
Varta zaznačyć, što raniej ab takich umovach pahašeńnia valutnych kredytaŭ abviaścili i inšyja biełaruskija banki. Niekatoryja časova pierastali prymać rubli na pahašeńnie valutnych kredytaŭ, inšyja pakinuli klijentam hetuju mahčymaść, ale tolki dla najaŭnych płaciažoŭ. U svaju čarhu daterminovaje pahašeńnie pazyki mahčymaje vyklučna ŭ valucie kredytu. Asobnyja banki taksama dajuć fizičnym asobam adterminoŭku pahašeńnia asnoŭnaha doŭhu pa kredytach u zamiežnaj valucie.
Kamientary