Zbor udzielnikaŭ na płoščy Lenina. 29 červienia.
Častka płoščy Lenina była abniesiena mietaličnymi turnikietami. Taksama ŭłady vysłali na Płošču arkiestr, kab jon repietavaŭ vykanańnie himna.
Ludzi spačatku apładziravali kožnamu vykanańniu. Kali na Płoščy sabrałasia kala 300 čałaviek, jany rušyli vulicaj Puškinskaj u bok Savieckaj. Ludzi plaskajuć u dałoni i śvistajuć.
AMON pierakryŭ Savieckuju kala pomnika 1000-hodździu. Tudy ž byli padahnany 4 aŭtazaki. Ludzi pierad kardonam zaviarnuli na vulicu Hohala, rušać u bok bulvara Kasmanaŭtaŭ. Adnak bulvar byŭ taksama pierakryty.
Jak paviedamiŭ "NN" brescki žurnalist Aleś Laŭčuk, milicyjanty zatrymali bolš za 50 (pryjšli źviestki: 65 čałaviek), u tym liku jaho i fotakarespandentku BiełaPAN Miłanu Charytonavu. Aleś paviedamiŭ, što znachodzicca ŭ aŭtazaku, razam ź im 6 čałaviek. Na piku akcyi prysutničała kala 600 čałaviek. Pavodle acenak udzielnikaŭ, ich sabrałasia bolš, čym minuły raz. U kožnym razie, adbylisia samyja maštabnyja palityčnyja zatrymanńni za ŭsiu najnoŭšuju historyju horada.
