Palitviaźnia Fiodara Mirzajanava adpraŭlajuć u «Vaŭčynyja nory»
29 červienia asudžany za Płošču Fiodar Mirzajanaŭ atrymaŭ u turmu knihi pa ekanomicy, pieradadzienyja Abjadnanaj hramadzianskaj partyjaj, jakaja ŭziała šefstva nad palitviaźniem. U śledčy izalatar na Vaładarskaha, dzie Fiodara dahetul trymajuć, dasyłajuć listy i knihi pa ekanomicy, kab jon jak student Biełaruskaha ekanamičnaha ŭniversytetu moh praciahvać adukacyju. Pra heta paviedamiła maci viaźnia Ludmiła:
«Jamu pieradali knihu słavutaha amerykanskaha vučonaha-ekanamista Mizesa pa liberalnaj ekanomicy. Ja ŭžo damoviłasia z kiraŭnictvam izalatara, što hetuju knihu nie zabiaruć u turemnuju biblijateku, kali jaho paviazuć pa etapie. Z saboj jon nia zmoža ŭziać hetuju knihu, bo jana šmat važyć. I ja sustrakałasia znoŭ ź Jarasłavam Ramančukom, jaki pieradaŭ mnie jašče knihi dla Fiodara — jakraz siońnia pieradam ich jamu ŭ izalatar».
Pavodle źviestak Ludmiły Mirzajanavaj, jaje syna nakirujuć u kaloniju pad Ivacevičami «Vaŭčynyja nory», dzie ŭžo adbyvajuć pakarańnie aktyvisty Pavał Vinahradaŭ i Eduard Łobaŭ.
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka9
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
Pravakatarka, jakaja razhulvaje pa Breście z rasijskim Z-ściaham — supracoŭnica Kamiteta sudovych ekśpiertyz9
Kamientary